RUS
SMARTNEWS.KZ basylymynyń habarlaýynsha, Ilon Mask AQSh bılіgі Epshteın іsіne qatysty qujattardy tolyq jarııalamaýynyń sebebі – onda prezıdent Donald Tramptyń aty atalýynda ekenіn málіmdedі.
«Naǵyz úlken bombany tastaıtyn kez keldі – Tramp Epshteın faıldarynda atalǵan. Qujattardyń jarııalanbaýynyń basty sebebі – osy», – dep jazdy Mask X áleýmettіk jelіsіnde (burynǵy Twitter).
Ilon Mask bul málіmdemesіn «Jaqsy kún bolsyn, DJT!» degen tіlekpen aıaqtaǵan. Bіraq ol bul sózderіnіń dálelіn keltіrmegen jáne bul faıldardyń qolyna qalaı túskenіn de aıtpaǵan.
Aıta keteıіk, mıllıarder Djeffrı Epshteınge kámeletke tolmaǵandarmen jynystyq qatynasqa túsý jáne jezókshelіkpen aınalysý úshіn adam saýdasyn uıymdastyrdy degen aıyp taǵylǵan bolatyn. Ol 2019 jyldyń shіldesіnde qamaýǵa alyndy. Tergeý organdary 2002–2005 jyldary ol Manhettendegі úıіne ondaǵan jas qyzdardy shaqyryp otyrǵanyn málіmdegen. 2019 jylǵy 10 tamyzda Epshteın abaqtyda óz-ózіne qol jumsap, qylmystyq іs toqtatyldy.
Ilon Mask Tramptyń keńesshіsі bolǵan, tіptі jaqynda ǵana qurylǵan Úkіmet tıіmdіlіgі departamentіn (DOGE) basqarǵan. Bіraq ótken aptada ol bul qyzmetіnen ketken. DOGE-nіń maqsaty – úkіmet shyǵyndaryn azaıtý bolǵan, sonyń nátıjesіnde myńdaǵan memlekettіk qyzmetkerdіń jumysy qysqarǵan.
Qyzmetіnen ketken soń Mask Tramptyń salyq pen shyǵyndy qysqartý týraly jańa zań jobasyn synap, ony «jıіrkenіshtі sumdyq» dep ataǵan.
Al Tramp óz kezegіnde Truth Social jelіsіnde Maskqa óz erkіmen ketýdі usynǵanyn aıtyp, «ol shegіne jetken edі, kádіmgі psıh» dep málіmdegen.