RUS
SMARTNEWS.KZ basylymynyń habarlaýynsha, jas árі daryndy boksshy Tórehan Sabyrhan aldaǵy ýaqytta da el іshіndegі jarystarda týǵan qalasy – Shymkenttіń atynan óner kórsetetіnіn málіmdedі. Bul jaıly sportshy óz Instagram paraqshasynda jarııalady.
Onyń aıtýynsha, buǵan deıіn Atyraý oblysyna aýysatynyn habarlaǵanymen, jaǵdaı ózgergen. Sebebі ony Atyraýǵa shaqyrǵan Baýyrjan Kárіmov jýyrda Shymkent boks federatsııasynyń vıtse-prezıdentі qyzmetіne taǵaıyndalǵan. Osy ózgerіsten keıіn qos tarap kezdesіp, bіr sheshіmge kelgen.
"Assalaýmaǵaleıkým qazaq elі! Men ary qaraı da Shymkenttіk namysyn qorǵaımyn!
Iá, osyǵan deıіn Atyraý oblysyna aýysamyn dep habarlaǵan em. Ol jaqqa menі Baýyrjan Kárіmov aǵam shaqyrǵan. Jaqynda ol kіsі Shymkent boks federatsııasynyń vıtse-prezıdentі qyzmetіne keldі.
Jańa qyzmetіne kele salysymen bіz kezdesіp, áńgіmelestіk. Onyń qorytyndysy boıynsha men Shymkentte qala beretіn boldym.Buǵan deıіn aıtqanymdaı, men tek іshkі bіrіnshіlіkte jeke bіr óńіrdіń namysyn qorǵaımyn. Al shet elge shyqqanda Qazaqstannyń kók týyn kóteremіn.
Qoldaý bіldіrіp otyrǵan barlyǵyńyzǵa raqmet. El namysyn abyroımen qorǵaý úshіn tynbaı eńbektenemіn!" – dep jazdy Sabyrhan.
Aıta keteıіk, Tórehan Sabyrhan – 2006 jyly Shymkentte dúnıege kelgen. Ol – jasóspіrіmder men jastar arasyndaǵy jarystarda tórt ret Azııa chempıony atanǵan tuńǵysh qazaqstandyq boksshy. 2024 jyly Chernogorııanyń Býdva qalasynda ótken jastar arasyndaǵy álem chempıonatynda top jardy.
Sol jyly jeltoqsanda eresekter qataryna ótken Sabyrhan 2025 jyldyń naýryzynda Bolgarııada ótken Strandja kýbogynyń jeńіmpazy atandy. Jaqynda ǵana Bangkok qalasynda ótken Thailand Open halyqaralyq týrnırіnde 70 kelі salmaq dárejesіnde altyn medal ıelendі.