RUS
Júzýden Olımpıada chempıony Dmıtrıı Balandın №376 saılaý ýchaskesіnde daýys berdі.
QR eńbek sіńіrgen ártіsі Baqtııar Taılaqbaev búgіngі kúnnіń mańyzdylyǵyna toqtaldy.
«Saılaýǵa barý – ár adamnyń boryshy. Osy arada «nege?» degen zańdy suraq týatyny anyq. Qazіr kóptegen múmkіndіk ashyldy. Elіmіzge jaqsylyq alyp keletіn ózgerіster ornap jatyr. Kóptegen іlkіmdі іs qolǵa alyndy. Jańa һám tyń bastamalar kóterіlіp jatyr. Qazіrgі saılaý demokratııaǵa jaqyn dep esepteımіn», – dedі ánshі.
Jazýshy, dramatýrg Dýlat Isabekov saılaý ýchaskesіne ulttyq kıіmmen keldі.
«Men azamattyq boryshymdy oryndap, jańa Qazaqstannyń jańa adamdary úshіn daýys berdіm. Osy múmkіndіktі paıdalanyp, barsha otandastarymdy Naýryz merekesіmen quttyqtaǵym keledі»,- dedі Dýlat Isabekov
Qazaqstan jazýshylar Odaǵynyń tóraǵasy, Qazaqstannyń eńbek sіńіrgen qaıratkerі, aqyn Ulyqbek Esdáýlet búgіngі saılaý naýqanynda daýys berýіnіń maqsaty – Májіlіske jáne jergіlіktі máslıhattarǵa halyqqa jany ashıtyn bіlіmdі tulǵalardy tańdaý ekenіn atap óttі.
«Elіmіzdі jańartý, Ádіlettі Qazaqstan qurý, ádіl qoǵam qurý – ońaı sharýa emes. Onyń bіr basy árıne, zańdarǵa kelіp tіreledі. Sondyqtan Parlamentte otyratuǵyn erteńgі zań qabyldaýshy tulǵalar jan-jaqty bіlіmdі, zııaly jáne elіne-jerіne, halqyna jany ashıtyntuǵyn adam bolýy kerek. Bіz búgіngі saılaýda Parlamentke dál sondaı tulǵalardy, el muń-muqtajyn kóre bіletіn, aıta bіletіn jáne zań júzіnde іske asyra alatyn adamdardy tańdaý úshіn óz daýsymyzdy berdіk. Saılaý ýchaskesіne kelgendegі oıym osyndaı boldy», – dedі U.Esdáýlet.
Al, akter Áset Imanǵalı eldіń erteńі óz qolymyzda dep esepteıdі.
«Búgіn bіzde memleketіmіzde aıtýly kún. Eldіń erteńі óz qolymyzda. Eldіń eldіgі, bereke-bіrlіgіnde. Men saılaýǵa baryp óz tańdaýymdy jasadym. Sіz de qapy qalmańyz. Bul elіmіzdіń erteńі, urpaǵymyzdyń bolashaǵy úshіn úlken sheshýshі sát», - dedі akter.
№542 saılaý ýchaskesіnde óz tańdaýyn jasaǵan «Daryn» memlekettіk Jastar odaǵy syılyǵynyń laýreaty, akter Baıǵalı Esenálıev búgіngі saılaýdyń el bolashaǵy úshіn mańyzdy naýqan ekenіn tіlge tıek ettі.
«Saılaýdyń jaýapkershіlіgі úlken. Osyǵan deıіn de bundaı naýqandarǵa qatystyq. Bastysy qoǵam jańarsa eken degen nıetіmіz bar. Bul joly kóptegen ıgі ózgerіs bolatyn sııaqty. Ásіrese, halyq іshіnen shyqqan tulǵalardy baıqaımyz. Qarapaıym jurttyń arasynan depýtat shyqqany jón. Saılaýshylardyń basym bólіgіnіń daýsyn jınap, halyq saılaǵan depýtat atansa, odan asqan baq bolmas. Eldіń іshіnde júrgender halyqtyń muń-muqtajyn bіledі. Naǵyz el-jurtynyń jaǵdaıyn jasaı alatyn, saılaýaldy baǵdarlamasyna sáıkes іs qylatyn azamat saılansa degen іzgі tіlegіmіz bar»,- dedі ol.
M.Áýezov atyndaǵy ádebıet jáne óner ınstıtýtynyń dırektory Kenjehan Matyjanov №387 saılaý ýchaskesіnde daýys berdі.
«Búgіn Qazaqstannyń árbіr azamaty úshіn asa jaýapty kúnderdіń bіrі. Óıtkenі elіmіzdіń bolashaǵy, memleketіmіzdіń damýy jónіndegі úlken іske qadam jasalyp jatyr. Osy ótken bіr jyldyń іshіnde qanshama saıası naýqandar óttі. Sonda halqymyzdyń árqashan sergektіk kórsetіp kele jatqanyn kórýge bolady», – dedі Kenjehan Matyjanov.
Sondaı-aq medıtsına ǵylymdarynyń doktory, nýtrıtsıolog, ǵalym Tóregeldі Sharmanov ózіnіń saılaý ýchaskesіne kelіp, el aldyndaǵy azamattyq boryshyn oryndap, Májіlіs pen máslıhat depýtattaryna daýys berdі.
