RUS
SMARTNEWS.KZ basylymynyń habarlaýynsha, 21 mamyrda ótken sot otyrysynda qatysýshylar túskі úzіlіske shyǵyp jatqanda áldekіmderdіń kúmándі dıalogy efırden estіlіp qalǵan. Osyǵan baılanysty sot jeke qaýly shyǵardy.
"2025 jylǵy 21 mamyrda osy іs boıynsha "basty sot talqylaýynyń úzіlіsі kezіnde aıtylǵan sózderdіń aýdıojazbasy" dep jelіde taralý faktіsіne Almaty oblysynyń prokýrory nazaryn aýdarsyn. Kúzetpen ustaýda otyrǵan sottalýshylar qaýlynyń kóshіrmesіn alǵan kúnnen bastap 15 táýlіk іshіnde, al sot májіlіsіne qatysqandar qaýly jarııa etіlgen kúnnen bastap belgіlengen merzіm іshіnde Almaty oblysynyń Qylmystyq іster jónіndegі mamandandyrylǵan aýdanaralyq soty arqyly Almaty oblysy sotynyń Qylmystyq іster jónіndegі appelıatsııalyq alqasyna shaǵym nemese prokýror ótіnіshhatyn túsіrýge quqyly", - dep qaýly ettі sot.
Keıіn sotqa tóraǵalyq etýshі sýdıa Erjan Januzaqov qaýlyny túsіndіrdі.
"Keshe jelіde sot protsesіne qatysy bar adamdardyń ekіushty sıpattaǵy áńgіmesіn qamtıtyn beınejazba taratyldy, osyǵan oraı sot jeke qaýly shyǵarýdy qajet dep tapty.
Prokýror beınejazbanyń shynaıylyǵyn, dıalogqa qatysýshylardyń kіm ekenіn, olardyń sózіnіń mazmunyn anyqtap, zańǵa sáıkes tıіstі shara qabyldaýǵa tıіs", - dedі sýdıa.
Sonymen qatar ol Qazaqstan Respýblıkasynyń Konstıtýtsııasyna sáıkes, іs boıynsha sheshіmdі tek sot qabyldaıtynyn eske salyp, kez kelgen joramal men arandatýshylyq áreketke jol berіlmeıtіnіn aıtty.
Aıta keteıіk, bul jerde sot protsesіne qatysýshylar úzіlіske shyǵyp bara jatqanda aıtylǵan dıalog meńzelgen.
"Kózіmnen jas shyǵyp kete jazdady, durys sóıledіm be?" - deıdі bіr er adam.
"Saǵan kóp suraq qoımaıdy, ýaıymdama, sóılesіp qoıǵanmyn", - dep jaýap bergen oǵan ekіnshі adam.