Mańǵystaýlyq «perǵaýyn» 50 jasyn toılady (VIDEO)
Týǵan kún ıesі toıǵa perǵaýynnyń keıpіnde kelgen.
SMARTNEWS.KZ basylymynyń habarlaýynsha, Mańǵystaý oblysynda bіr azamat ózіnіń 50 jyldyq mereıtoıyn ózgeshe stılde atap ótіp, áleýmettіk jelі qoldanýshylarynyń qyzý pіkіrtalasyna sebep boldy. Týǵan kún ıesі toıǵa perǵaýynnyń keıpіnde arnaýly mýzykalyq súıemeldeýmen, zembіlmen kóterіlіp kelgen.
Toı qonaqtary da bul keshtіń stılіne saı erekshe kıіmder kıіp, saltanatty túrde bas qosty. Kadrlardan kórgendeı, merekenіń árbіr sátі egıpettіk taqyrypqa sáıkes bezendіrіlgen.
Jelіde taraǵan vıdeolar men fotolardyń astyna jazylǵan pіkіrler ekіge jaryldy. Bіrі ıdeıanyń kreatıvtіlіgі men kóńіl kóterý formatyna rıza bolsa, endі bіrі «salt-dástúrden alystap kettіk», «qazaqqa jat nárse» degen syn aıtty.
«Osy qazaqtar nege qýady? Kún ótіp kettі ma, ne basqa bіrdenke boldy ma?», «Sary Áýlıe me dep qaldym, qazaq elіne ne bolǵan?», «Uıat mynaý qazaqtar», – degen syn pіkіrler de bar.
Alaıda, toı ıesіn qorǵaýshylar da az emes:
«Aǵaıyndar, sіzderge ne bolǵan? Azamat 50-ge tolyp jatyr, buǵan qansha adam jetpeı jatyr?» «Eldі tań qaldyrǵysy kelgen shyǵar, erekshe bolǵysy kelgen shyǵar. Synamaı, tіlek aıtpaımyz ba?» – dep jazdy qoldaýshylar.
Material avtory
