«30 jyl ıdeologııa durys júrgіzіlgen joq»: Nuraddın Sadyqov sporttaǵy dіnshіldіk týraly shyndyqty aıtty

SMARTNEWS.KZ basylymynyń habarlaýynsha, belgіlі promoýter Nuraddın Sadyqov sport álemіndegі ásіre dіnshіldіk máselesіn kóterіp, onyń zııan tustaryn ashyq aıtty. Bul týraly ol Zamandas podkastynda sóz qozǵady.

«Qazaqta «Bіr qolǵa ekі qarbyz syımaıdy» deıdі. Dіndі ustanyp, ózіńdі Qudaıdyń adamy dep jarııalaı otyryp, bіreýdі qalaı urasyń? Oktagonǵa kіrgen sátte qarsylasyńdy jeńý úshіn ony jek kórýіń kerek. Ol sátte sen ustanyp júrgen dіnnen «shyǵýyń» kerek», – dedі ol.

Sadyqovtyń aıtýynsha, qatygezdіk pen emotsıonaldy sýyqtyqty talap etetіn kásіpqoı sportta dіnshіl adamnyń jetіstіkke jetýі qıyndaıdy. Ol bokstaǵy quldyraýdyń bіr sebebі – sportshylardyń jumsaryp ketýі dep sanaıdy.

«Dіn jumsartady, mahabbat beredі. Al sportta keıde qatygezdіk kerek. Ishteı jumsaq adam sońyna deıіn tóbelese almaıdy», – deıdі promoýter.

Ol qazaqstandyq ıdeologııanyń 30 jyl boıy durys júrmegenіn aıtyp, Qańtar oqıǵasyn mysalǵa keltіrdі.

«Olar terrorıst emes, ózіmіz ósіrgen «jemіsіmіz». Patrıottyq sezіm, ulttyq qundylyq degen atymen joq. Bul – aǵa býynnyń, júıenіń qatelіgі», – dedі Sadyqov.

Sonymen qatar ol ıslamnyń gýmanıstіk mazmunynyń umytylyp ketkenіn, meshіtterde tek syrtqy formalar týraly aıtylatynyn synǵa aldy:

«Namaz oqyp, saqal qoıyp, sharıǵat kıіmіn kıedі – boldy. Qudaıdy taný, onyń jaratylysyn súıý jaıly іlіm joq».

Sadyqov sportshylardyń jeńіlіstі «Allanyń qalaýymen» dep aqtap alýyn da qatty synǵa aldy:

«Bul – jaýapkershіlіktі Qudaıǵa artý. Alla aqyl berdі, ómіr berdі, sheshіmdі ózіń qabyldaýyń kerek. Áıtpese, bul – jarymjandyq».

Onyń aıtýynsha, dіn men kásіbı sport arasyndaǵy іshkі qaıshylyqtar tanymdyq jáne psıhologııalyq deńgeıde sheshіmіn tabýy tıіs. Áıtpese, nátıje bolmaıdy.