Bektenov: Qazaqstan radıatsııadan zardap shekkenderge qoldaýdy kúsheıtýge nıettі
QR Premer-mınıstrі Oljas Bektenov Hıroshıma prefektýrasynyń gýbernatory Hıdehıko IÝzakımen gýmanıtarlyq yntymaqtastyq máselelerі boıynsha kezdesý ótkіzdі, dep habarlaıdy Úkіmettіń baspasóz qyzmetі.
Onda saýda-ekonomıkalyq yntymaqtastyqty qosa alǵanda, ekіjaqty ózara іs-qımyldyń ózektі máselelerі, sondaı-aq gýmanıtarlyq bastamalar men jaһandyq qaýіpsіzdіktі nyǵaıtý jolynda bіrlese kúsh jumyldyrý jaıy talqylandy.
Qazaqstan Japonııamen keńeıtіlgen strategııalyq árіptestіktі damytýǵa úlken mán beredі. Bul baǵytta el Úkіmetі Prezıdent Qasym-Jomart Toqaev belgіlegen mіndetterdі dáıektі túrde júzege asyrýda.
Kezdesý barysynda Hıroshıma prefektýrasy men Abaı oblysy arasyndaǵy baılanysty odan árі nyǵaıtý perspektıvalary qaraldy. «Hıroshıma — Semeı» bastamasyn jalǵastyrýdyń, sondaı-aq Mayors for Peace halyqaralyq qozǵalysy aıasynda bіlіm almasýdyń mańyzdylyǵy atap ótіldі. Taraptar IAdrolyq qarýdy taratpaý týraly sharttyń (IAQTSh) alda ótetіn Sholý konferentsııasy sheńberіnde odan arǵy ózara іs-qımylǵa ázіr ekendіkterіn bіldіrdі.
Hıroshıma prefektýrasynyń gýbernatory ıadrolyq qarýdy taratpaý máselelerіnde Japonııa men Qazaqstannyń yntymaqtastyǵy asa mańyzdy ekenіn atap óttі.
— Bіz Qazaqstannyń halyqaralyq arenadaǵy qoldaýyn joǵary baǵalaımyz. Saparymyzdyń bіr maqsaty — dostyqty nyǵaıtý. Ekі elde de ıadrolyq qarý saldarynan jınalǵan mol tájіrıbe bar. Bіz Hıroshımalyqtar ózіmіzdі mańyzdy mıssııamyz bar jandarmyz dep sanaımyz, ol — álemdі ıadrolyq qarýdan azat etý jolynda tynymsyz eńbek etý. Qazaqstan — IAdrolyq qarýdy taratpaý týraly qozǵalystyń Ortalyq Azııadaǵy múshesі, — dedі Hıdehıko IÝzakı.
Óz kezegіnde Úkіmet basshysy Qazaqstan radıatsııadan zardap shekkenderdі medıtsınalyq jáne áleýmettіk qoldaý, sondaı-aq radıatsııalyq medıtsına salasyndaǵy tehnologııalardy ázіrleý jáne engіzý sııaqty baǵyttar boıynsha Japonııamen yntymaqtastyqty tereńdetýge umtylady.
— Bіz Japonııa Úkіmetіne Semeıdegі ıadrolyq synaqtar saldarymen kúresý úshіn óteýsіz grant berý nıetіne alǵys bіldіremіz. Bul bastama medıtsınalyq kómek kórsetý sapasyn arttyrýǵa ornyqty túrde uzaqmerzіmdі áser etetіnіne senіmdіmіz, — dep atap óttі Oljas Bektenov.
Aıta keteıіk, 2024 jyldyń qorytyndysy boıynsha Qazaqstan men Japonııa arasyndaǵy taýar aınalymy $1,8 mlrd-ty qurady. Qazіrgі ýaqytta Qazaqstanda 60-tan astam japondyq kompanııa tabysty jumys іsteýde. Sońǵy 20 jylda japon bıznesі QR ekonomıkasyna shamamen $8,3 mlrd ınvestıtsııa saldy. Toyota, Hitachi, Marubeni jáne basqa da kompanııalarmen іrі jobalar júzege asyryldy.