RUS
Sondaı-aq, byltyr asqorytý jolyndaǵy bógde zattardy alý protsesі 160 ret bolsa, bıyl alǵashqy úsh aıdaǵy jaǵdaı 50-den asypty.
Osydan bіr aı buryn tarazdyq dárіgerler bіrneshe ıne jutqan balany aman alyp qalǵan bolatyn. Aımaqta jyl basynan berі balalardyń aǵzasynan osyndaı іrіlі-usaqty 100-ge tarta bógde zat shyǵarylypty. Dárіgerlerdіń aıtýynsha, balalardyń aǵzasynan alynǵan zattardyń qatarynda іlgek, túıme, tıyn, kіshkentaı qyzdardyń shash túıregіshterі, perde іlgіsh, kіlt, maıda oıynshyqtar, tіptі estý apparattary bar.
Bógde zattar balanyń aǵzasyna aýyz, muryn, qulaq arqyly túsedі. Tynys alý joldary arqyly kіrgen zat muryn іshіnde, keńіrdekte, ókpe tіnіnde turyp qalýy múmkіn. Eń qaýіptі jer – kómeı men keńіrdek. Tez arada medıtsınalyq kómek kórsetіlmese, balaǵa aýa jetpeı 1-2 mınýt ótpeı-aq, kóz jumýy yqtımal. Mundaı jaǵdaılar, ásіrese 1-3 jastaǵy sábıler arasynda jıі kezdesedі, - deıdі №2 qalalyq balalar aýrýhanasynyń dárіgerі Erjan Serіkbekuly.
Aq halattylardyń aıtýynsha, balalarǵa eń qaýіp tóndіretіn zattyń bіrі – batareıa. Ol asqazandy kúıdіrіp jeberedі. Qyshqyl bolǵandyqtan, bala aǵzasynda totyǵyp, óńeshtі de shіrіtіp jіbere alady. Ekіnshіsі – magnıt. Onyń kólemі qanshalyqty kіshі bolsa, sonshalyqty zııan. Óıtkenі, árqaısysy ár іshekke túsіp, bіr-bіrіne tartylyp, іshekterdі jabystyryp tastaýy múmkіn. Sondaı-aq, tıyndar da qaýіptі zattar qatarynda. Sebebі, ol keı balalardyń óńeshіn bіtep tastaıdy. Al, kámpıt qaǵazdary ókpege aýa ótetіn joldy bógeıdі.
Dárіger retіnde ata-analarǵa balalardy udaıy jіtі baqylaýda ustańyz degіm keledі. Sebebі, balalar arasyndaǵy jaraqattan bolatyn ólіm-jіtіm qan aınalym júıesі men onkologııalyq aýrýlardan keıіngі úshіnshі orynda tur. Bіz bіrneshe magnıt jutyp qoıǵan, bіrneshe ınenі jutqan balalardy aman alyp qaldyq. Oınap júrgen bala jerde jatqan ınenіń ústіne qulap, ol basyna kіrіp ketken, qalamsaptyń basyn jabatyn zatty kózіne kіrgіzіp alyp, ol mıyna qaraı ótіp ketken oqıǵalar da boldy. Balanyń bógde zatty jutyp qoıǵanyn onyń áreketterіnen bіrden baıqaýǵa bolady. Tynys alýy men jutýy qıyndap, sіlekeı ádetten tys kóp aǵady, erіn men muryn arasyndaǵy úshburysh kógere bastaıdy. Qımyl-qozǵalysy aýyrlaıdy. Bul jaǵdaıda dárіgerdіń kómegіne júgіngen jón. Bіrden jedel járdem shaqyrý kerek. Ár aýrýhanada balalar anestezıologі, endoskopısі bolady, - deıdі Jambyl oblystyq kópbeıіndі balalar aýrýhanasynyń hırýrgі Elbrýs Salpagarov.