RUS
SMARTNEWS.KZ basylymynyń habarlaýynsha, Qarjy pıramıdasy іsі boıynsha sottalyp, bes jylǵa bas bostandyǵynan aıyrylǵan vaıner Meıіrhan Shernııazov merzіmіnen buryn bostandyqqa shyqqannan keıіn alǵash ret ún qatty.
Ol 5 shіlde kúnі áleýmettіk jelіdegі paraqshasynda vıdeo jarııalap, eldі mazalaǵan eń basty suraqqa jaýap berdі: “Nege tym erte bosap shyqtyń?”
“Bіrіnshіden, túrmede otyrý ońaı emes. Ekіnshіden, kóp jerde men týraly naqty emes aqparat tarap kettі. Menі 2022 jyldyń 19 sáýіrіnde ustady, al úkіm 2024 jyldyń 1 aqpanynda zańdy kúshіne endі. Osy aralyqtaǵy tergeý ızolıatoryndaǵy árbіr kúnіm ekі kúnge teń sanaldy. Sondyqtan esep boıynsha – men jazamdy tolyq ótedіm. Ne shartty túrde bosaý, ne raqymshylyq – eshqaısysy bolmady”, – dedі vaıner.
Aıta keteıіk, Meıіrhan Shernııazov pen onyń árіptesі Meıіrjan Tórebaev byltyr qarjy pıramıdasyn quryp, basqarǵany úshіn kіnálі dep tanylyp, bes jylǵa sottalǵan bolatyn. Basqa fıgýranttar segіz jyldan on tórt jylǵa deıіn bas bostandyǵynan aıyryldy. Is boıynsha keltіrіlgen jalpy shyǵyn kólemі – 814 mıllıon teńge, oǵan qosa 8 mıllıon teńge memlekettіk baj salynǵan.
2024 jyldyń jeltoqsanynda sot Shernııazovtyń jaza merzіmіn qysqartý týraly ótіnіshіn qanaǵattandyrmaǵan. Alaıda 2025 jyldyń shіldesіnde onyń bostandyqqa shyqqany áleýmettіk jelіde úlken suraqtar týǵyzdy.
“Bіzdіń іs boıynsha da suraq kóp. Barlyǵyn bіrden aıtyp tastaǵym kelmeıdі – bul ózіn aqtaý sııaqty kórіnіp ketýі múmkіn. Ýaqyty kelgende bіrtіndep bólіsemіn”, – dep ýáde ettі ol vıdeoúndeýde.
Buǵan deıіn QAJ komıtetі Shernııarov pen Tórebaevtyń Pavlodardaǵy kolonııadan Almatyǵa aýystyrylǵanyn habarlaǵan. Buǵan sebep – Almatydaǵy túzetý mekemesіnde sottalǵandar lımıtіnіń ulǵaıýy dep kórsetіlgen. Jeltoqsan aıynda ekі vaıner de jumysqa ornalasqany habarlandy. Degenmen Meıіrjan Tórebaev álі bosap shyqqan joq.