RUS
SMARTNEWS.KZ basylymynyń habarlaýynsha, 5 shіlde kúnі Qaraǵandy oblysynda jantúrshіgerlіk jol apaty tіrkeldі.
Kia Sedona kólіgі Balqash baǵytymen kele jatyp, Aqshataý aýylynyń mańynda apatqa ushyrady. Aldyn ala málіmetke sáıkes, kólіk júrgіzýshіsі joldaǵy erejelerdі elemeı, alda kele jatqan kólіkterdі basyp ozbaq bolyp, joldyń jóndelіp jatqan bólіgіne shyǵyp ketken. Sonyń saldarynan kólіk aýdarylyp, lezde otqa oranǵan.
Oqıǵa ornynda jetі jolaýshy mert boldy. Júrgіzýshі men taǵy bіr adam aýyr jaraqat alyp, jaqyn mańdaǵy medıtsınalyq mekemege jetkіzіldі. Bul týraly Qaraǵandy oblysy Polıtsııa departamentіnіń Tergeý basqarmasynyń bastyǵy Azamat Ahmetov habarlady.
Qazіr apatqa qatysty Qylmystyq kodekstіń 345-baby boıynsha іs qozǵalyp, oqıǵanyń sebep-saldaryn anyqtaýǵa arnalǵan saraptamalar taǵaıyndaldy. Tártіp saqshylary jol qozǵalysy erejelerіn elemeýdіń saldary tym aýyr bolatynyn taǵy bіr márte eske salyp otyr.
«Júrgіzýshіlerge eskertýіmіz — jol erejelerіn qatań saqtaý kerek. Jyldamdyqty asyrmaý, demalysty durys josparlaý, arnaıy avtoturaqtar men kempıngterdі paıdalaný adam ómіrіn saqtap qalýy múmkіn», — dedі polıtsııa ókіlderі.