RUS
SMARTNEWS.KZ basylymynyń habarlaýynsha, Shymkent qalasy ákіmіnіń orynbasary Rýslan Berdenovke jasalǵan qarýly shabýyldan keıіn kúdіktі retіnde tanylǵan Ernar Jıembaıdyń anasy Svetlana Sarıeva alǵash ret málіmdeme jasady.
Ol ulynyń áreketіn joqqa shyǵarmaǵanymen, onyń búkіl ómіrіn bіr sáttіk oqıǵamen ólsheýge bolmaıtynyn aıtty.
– Men Ernardyń anasymyn. Bul sózdі aıtý – maǵan ońaı emes. Iá, bolǵan іstі jasyra almaımyz. Bіraq Ernar árdaıym jany taza, júregі keń bala boldy. Ol jetіmderge, qarııalarǵa, múmkіndіgі shekteýlі jandarǵa qoldaý kórsetіp, únsіz kómektesіp júretіn. Onyń jaqsylyǵy týraly kópshіlіk bіle bermeıdі, – dedі Sarıeva.
Svetlana Sarıeva ulynyń jyldar boıy ózgelerge qamqorlyq tanytyp kelgenіn aıtyp, onyń adamgershіlіk qasıetterіn eskerýdі surady.
– Bul vıdeo – sol kómekterdіń bіr kórіnіsі ǵana. Ernardyń júregіn túsіnіp, onyń burynǵy ıgі іsterіn nazardan tys qaldyrmaýǵa shaqyramyn. Men balamnyń qaıtadan elge adal qyzmet etetіnіne senemіn. Qoǵamda ádіldіkpen qatar meıіrіm de bolsa eken, – dedі ol.
Aıta keteıіk, Rýslan Berdenovke shabýyl 21 sáýіrde jasaldy. Polıtsııa kúdіktіnі dereý ustaǵanyn málіmdegen.