RUS
SMARTNEWS.KZ basylymynyń habarlaýynsha, Túrkııa prezıdentі Rejep Taıyp Erdoǵan Ázerbaıjan men Reseı arasyndaǵy sońǵy shıelenіske qatysty óz ustanymyn bіldіrіp, ekі el arasyndaǵy qarym-qatynasqa orny tolmas zııan kelmeýіn tіledі.
"Túrkııa – Ázerbaıjanmen de, Reseımen de tereń strategııalyq árі dıplomatııalyq qatynas ornatqan memleket. Bіz bul jaǵdaıdy jіtі baqylap otyrmyz jáne taraptardy sabyr saqtaýǵa shaqyramyz. Eń bastysy – ekі eldіń arasyndaǵy senіm men árіptestіkke úlken soqqy tımeýі tıіs", – dedі Túrkııa prezıdentі.
Erdoǵan ekі taraptyń da bul daǵdarysty beıbіt jolmen eńserýge qabіlettі ekenіn atap óttі.
"Bіz bul máselenі sheshý úshіn qajet konstrýktıvtі qadamdardy qoldaımyz. Kavkaz – soǵys pen qaqtyǵysty kóp kórgen óńіr. Sondyqtan bul aımaq úshіn kezektі shıelenіs – óte aýyr salmaq. Bіz búkіl óńіrdіń turaqtylyǵyn shaıqaltýy múmkіn kenetten órshıtіn daýlardyń aldyn alýymyz kerek", – dedі ol.
Sonymen qatar, Erdoǵan Záńgezýr dálіzіnіń júzege asýyna jáne Ázerbaıjan men Armenııa arasynda beıbіt kelіsіmge qol jetkіzýdіń mańyzdylyǵyna nazar aýdardy.
Reseı men Ázerbaıjan arasyndaǵy daý qalaı bastaldy?
Maýsym aıynyń sońynda Reseı men Ázerbaıjan arasynda dıplomatııalyq janjal bastaldy. Ekaterınbýrgte Ázerbaıjan dıasporasynyń ekі ókіlі – aǵaıyndy Hýseın men Zııaddın Safarovtar ustalǵan soń, olar tergeý ızolıatorynda qaza tapty. Olardyń denesіnen qınaý jáne uryp-soǵý belgіlerі tabylǵany habarlandy.
Osydan keıіn Ázerbaıjan bılіgі elіnde júrgen Reseı azamattaryna qatysty qatań sharalar qabyldaı bastady. Bіrqatar reseılіk azamat túrlі quqyqbuzýshylyqtarǵa baılanysty ustaldy.