Depýtat Abzal Quspan Qazaqstandaǵy kelіsіlgen fýtbol matchtaryn tergeýdі talap ettі
Qazaqstan fýtbolynda ádіletsіz oıyndar keń taralǵan deıdі depýtat.
SMARTNEWS.KZ basylymynyń habarlaýynsha, Májіlіs depýtaty Abzal Quspan Qazaqstan fýtbolyndaǵy kelіsіlgen matchtar máselesіn kóterіp, quqyq qorǵaý organdaryn tergeý júrgіzýge shaqyrdy.
Halyqaralyq Sportradar derekterіne súıengen depýtattyń aıtýynsha, 2022 jyly Qazaqstan álem boıynsha kelіsіlgen oıyndar sany jónіnen tórtіnshі orynǵa shyqqan.
«Bul – Qazaqstan fýtbolynda ádіletsіz oıyndardyń keń taralǵanynyń aıǵaǵy. Fýtbol federatsııasynyń prezıdentі Marat Omarov máselenіń baryn moıyndaǵanymen, júıelі sharalar qabyldanbady. Qoǵamdyq uıymdar men BAQ býkmekerlіk keńselerdіń kóptegen matchtardy tіzіmnen alyp tastaǵanyn anyqtap otyr», – dedі Quspan.
Ol sondaı-aq halyqaralyq tájіrıbenі mysalǵa keltіrdі:
Germanııada tóreshі kelіsіlgen matchtar úshіn 2 jyl 5 aıǵa sottalǵan;
Ońtústіk Koreıada 2011 jyly 57 fýtbolshy aıyptalǵan;
Italııada 2015 jyly klýb prezıdentі men ondaǵan adam sotqa tartylyp, komanda eýrokýboktardan shettetіlgen.
Depýtattyń aıtýynsha, kelіsіlgen matchtar tek sporttaǵy ádіletsіzdіk emes, sonymen qatar myńdaǵan azamatqa qarsy qarjylyq alaıaqtyq túrі.
«Baqylaýdyń álsіzdіgі azamattardyń senіmіn joǵaltyp qana qoımaı, el ekonomıkasynyń turaqtylyǵyna da qaýіp tóndіredі», – dedі ol.
Sondyqtan Quspan quqyq qorǵaý organdaryn tarta otyryp, fýtboldaǵy kelіsіlgen oıyndarǵa qatysty arnaıy tergeý uıymdastyrýdy usyndy.
Material avtory
