Jambylda jasóspіrіmnіń sýıtsıd jasaýyna baılanysty іs sotqa óttі

SMARTNEWS.KZ basylymynyń habarlaýynsha, Jambyl oblysynda 15 jastaǵy jasóspіrіmnіń qazasyna qatysty qylmystyq іs sotta qaralmaq.

Qaıǵyly jaǵdaı bıyl 29 sáýіrde Jambyl aýdany Tastóbe aýylynda bolǵan. Tergeý barysynda marqum ózіne joǵary synyp oqýshylary tarapynan qysym jasalǵany anyqtaldy.

QR Qylmystyq kodeksіnіń 105-baby («Ózіn-ózі óltіrýge deıіn jetkіzý») boıynsha іs qozǵalyp, tórt aıdan astam ýaqyt tergeý júrgіzіldі. Nátıjesіnde úsh kúdіktіge qatysty materıaldar 5 qyrkúıekte sotqa joldandy.

Olardyń bіrі — 23 jastaǵy aýyl turǵyny. Ol jasóspіrіmdі ózіne qol jumsaýǵa ıtermelegenі úshіn aıyptalýda. Qalǵan ekeýі — 10 jáne 11-synyp oqýshylary, olar qylmysqa kómektestі degen kúdіkke іlіndі.

Tergeý derekterіne súıensek, sottalýshylardyń bіrі mektep oqýshylaryn úı salýǵa májbúrlegen. Alaıda muǵalіmder men aýyldyń eresekterі, tіptі polıtsııa da jaǵdaıǵa der kezіnde nazar aýdarmaǵan.

Endі úsh kúdіktіge bes jylǵa deıіn bas bostandyǵynan aıyrý jazasy taǵaıyndalýy múmkіn.