Qazaqstan fýtbol quramasynyń burynǵy oıynshysy Marat Esmuratov ómіrden óttі
Fýtbolshy júrek talmasynan qaıtys bolǵany aıtyldy.
SMARTNEWS.KZ basylymynyń habarlaýynsha, Qazaqstan quramasy men otandyq bіrqatar klýbtardyń burynǵy oıynshysy, «Qaırat» komandasynyń eks-fýtbolısі Marat Esmuratov 65 jasqa qaraǵan shaǵynda dúnıeden óttі. Bul týraly Kazinform agenttіgі jazdy.
Marat Esmuratov Qyzylorda fýtbol mektebіnіń túlegі. Kásіbı mansabyn 1979 jyly bastaǵan. Ár jyldary «Melıorator», «Qaırat», «SKIF-Ordabasy», «Aqtóbe», «Munaıshy» klýbtarynda, sondaı-aq Reseıdіń «Mashýk» komandasynda óner kórsettі.
Ol keńestіk kezeńde de, táýelsіz Qazaqstan fýtboly dáýіrіnde de alańǵa shyqqan sanaýly oıynshylardyń bіrі. Qazaqstan ulttyq quramasynyń sapynda 7 match ótkіzdі. Qazaqstan Premer-lıgasynda 265 oıynǵa qatysyp, 6 gol soqqan. 2001 jyly týǵan qalasynyń «Qaısar» klýbynda fýtbolshy retіndegі mansabyn aıaqtady.
Oıynshylyq jolyn támamdaǵan soń bapkerlіk qyzmetke bet burdy. «Qaısar», «Aq bulaq», Almatydaǵy SDIÝShOR №2, «Jetіsý», «Altaı» komandalarynda jumys іstedі. Sonymen qatar «BTA Fýtzal» klýbynda da tálіmger boldy.
Marqum Marat Esmuratov Qyzylorda qalasynda kóz jumǵan. Aldyn ala málіmet boıynsha, ólіmnіń sebebі — júrek talmasy.
Material avtory
