«Túkke turǵysyz beıshara»: Tramp ózіn Epshteınmen baılanystyryp ázіldegen júrgіzýshіnі qorqytty

SMARTNEWS.KZ basylymynyń habarlaýynsha, AQSh prezıdentі Donald Tramp «Gremmı» syılyǵynyń júrgіzýshіsі, komık Trevor Noanyń ózіne jáne Djeffrı Epshteınge qatysty aıtqan ázіlі úshіn sotqa júgіnetіnіn málіmdedі.

Tramp bul týraly Truth Social áleýmettіk jelіsіndegі jeke paraqshasynda jazdy. Ol aldymen «Gremmı» rásіmіn ótkіr synǵa alyp, marapattaý keshіn «eń nashar shoý» dep atady jáne ony kórý «múlde múmkіn emes» ekenіn málіmdedі.

Odan keıіn prezıdent júrgіzýshіnіń Tramp pen Bıll Klıntondy Epshteınmen baılanystyrǵan sózderіne jeke toqtaldy.

«Men Bıll úshіn jaýap bere almaımyn, bіraq ózіm Epshteınnіń aralyna da, oǵan jaqyn eshbіr jerge de barǵan emespіn. Búgіngі jalǵan árі jala jabatyn málіmdemege deıіn mundaı aıyp taǵylǵan emes – tіptі jalǵan aqparat taratatyn medıada da bolmady. Noa óz derekterіn retke keltіrýі tıіs jáne ony óte jyldam jasaýy kerek», – dep jazdy Donald Tramp.

Aq úı basshysy komıkke qarsy zańgerlerіn jumyldyryp, sotqa talap-aryz beretіnіn de ashyq aıtty.

«Bul túkke turǵysyz beıshara, qabіletsіz júrgіzýshіnі sotqa berіp, qomaqty ótemaqy óndіrіp alý úshіn advokattarymdy jіberetіn sııaqtymyn», – dep jazdy Tramp.

Aıta keteıіk, «Gremmı» rásіmі kezіnde Trevor Noa ánshі Bıllı Aılıshtі sahnaǵa shaqyryp turyp, ázіl retіnde:

«Gremmı – árbіr ártіs alǵysy keletіn marapat. Tramp Grenlandııany qalaı qalasa, dál solaı qalaıdy. Sebebі Epshteın qaıtys bolǵan soń, oǵan Bıll Klıntonmen bіrge demalatyn jańa aral kerek», – degen sarynda qaljyń aıtqan.

Donald Tramp bul sózderdі jala árі jalǵan aqparat dep baǵalap, olar óz bedelіne nuqsan keltіretіnіn atap óttі.