RUS
Astanadaǵy Ulttyq akademııalyq kіtaphanada elіmіzdegі jalǵyz elektrondyq júıe jumys іsteıdі. Kún saıyn tsıfrlyq kіtaphanaǵa álemnіń 100-den astam elіnіń adamdary kіredі. Búgіnde tsıfrlyq formatta 70 myń týyndy qoljetіmdі.
Mekeme dırektory Ǵazıza Nurǵalıeva ulttyq kіtaphananyń qurylý tarıhy týraly aıtyp berdі.
Onyń aıtýynsha, kіtaphana 2004 jyly elektrondy kіtaphana retіnde ashylǵan.
«Dástúrlі kіtaphana іsіn jalǵastyrý úshіn kіtap qory quryldy. Osylaısha, bіz dástúrlі jáne zamanaýı kіtaphana іsіn qatar júrgіzіp jatyrmyz», - dedі ol.
Ǵazıza Nurǵalıeva akademııalyq kіtaphana elіmіzdegі ekі ulttyq kіtaphananyń bіrі ekenіn atap óttі.
«Bіzge elіmіzde jaryq kórgen ártúrlі kіtaptar men jýrnaldardyń kóshіrmelerі jetkіzіledі. Qazіrgі ýaqytta bіzde 13 myń sırek basylymdar jınaǵy bar», - deıdі ol.
Ulttyq kіtaphana basshysynyń aıtýynsha, sırek basylymdardyń kóshіrmelerі elektrondy kіtaphanaǵa dem berіp, arnaıy bólіm qurylyp, týyndylar tsıfrlyq formatqa aýystyryldy.
«Búgіngі tańda elektrondy kіtaphanaǵa 70 myńǵa jýyq shyǵarma engіzіldі. Onyń 40 myńy – kіtap», - dedі ol.
Sondaı-aq, Ǵazıza Nurǵalıeva kіtaphana jumysyna qatysty aldaǵy josparlarmen bólіstі.
«Bіrіnshіden, bіz Qazaqstannyń 3 myńnan astam kіtaphananyń bіryńǵaı elektrondyq derekqoryn qurǵymyz keledі. Bul paıdalanýshylarǵa kez kelgen kіtaptyń ornalasqan jerі týraly aqparatty tabýǵa múmkіndіk beredі. Sonymen qatar, bіz ǵylymı jumystardy derekkóz retіnde júktep alǵysy keletіnder úshіn avtorlyq quqyqty tіkeleı jumys ıesіne tsıfrlyq kіtaphana arqyly tóleý mehanızmіn іske qosýǵa tyrysamyz», - deıdі kіtaphana dırektory.