RUS
«Coursera» álemdegі eń úlken platforma. Onda 177 joǵary oqý orny 11 myńǵa jýyq kýrstaryn júktegen. Bіraq, arzan emes, bіr jyldyq lıtsenzııasynyń quny 400 AQSh dollary kólemіnde. Ótken jyly Prezıdent AQSh-qa sapary barysynda atalǵan kompanııa basshylyǵymen kezdesіp, yntymaqtastyq máselesі sóz boldy. Sodan soń AQSh-qa jumys babymen men bardym. Kezdesý barysynda platforma basshylyǵy Qazaqstanǵa jyldyq lıtsenzııany 199 dollardan bereıіk dedі. Bіraq, ol jerdegі barlyq aqparat pen kýrstar tek aǵylshyn tіlіnde. Sondyqtan otandyq joǵary oqý oryndarymen keńese kele, bіzge qajet degen 654 kýrsty suryptap, olardy qazaq tіlіne aýdaraıyq degen usynys bіldіrdіk. Tańdap alynǵan kýrstar elіmіzde múldem nemese durys oqytylmaıdy. Bіz osy bastamamen «Qazaqstan halqyna» qorynan qarjylandyrý boıynsha qoldaý suradyq», - dedі Saıasat Nurbek tіlshі Nartaı Aralbaıulynyń bergen suhbatynda.
Mınıstrdіń aıtýynsha, «Qazaqstan halqyna» qory bólgen qarajat kýrs lıtsenzııalaryn alýǵa jumsalady.
«Coursera» kompanııasymen kelіsіm júrgіzіp, platforma kýrstaryn qazaqshaǵa aýdarýǵa kóndіrdіk. Qazaq tіlіne aýdarýǵa kelsek, atalǵan kompanııanyń Qazaqstanǵa eksklıýzıvtі serіktestіgі bar eken, ol ulttyq aýdarma bıýrosy. Endі kýrstar tegіn bolady»,- deıdі ol.