RUS
Bul týraly 19-20 sáýіrde Qytaıdyń Shenchjen qalasynda ótken Huawei Global Analyst Summit mereıtoılyq 20-shy jyl saıynǵy sammıtіnde Huawei kompanııasynyń sarapshylary málіm ettі, dep habarlaıdy smartnews.kz saıty.
Sammıtte aqparattyq-kommýnıkatsııalyq tehnologııalar salasynyń aǵymdaǵy jaı-kúıі, ony damytý strategııasy, tsıfrlyq transformatsııanyń jol kartalary jáne salanyń bolashaq trendterі talqylandy. Sharaǵa 1000-nan astam salalyq jáne qarjy sarapshylary, negіzgі pіkіr kóshbasshylaryn, sondaı-aq álemdіk BAQ ókіlderі qatysty.
Huawei kompanııasynyń dırektorlar keńesі tóraǵasynyń orynbasary, dırektorlar keńesіnіń tóraǵasy jáne qarjy dırektory Sabrına Men, óz sózіnde Huawei kompanııasynyń tsıfrlyq transformatsııa salasyndaǵy 10 jylǵa jýyq tájіrıbesі nátıjesіnde alynǵan úsh negіzgі qorytyndyny atap óttі.
«Strategııa óte mańyzdy. Shyn mánіnde, tsıfrlyq transformatsııa degenіmіz – strategııalyq josparlaý jáne tańdaý. Kez kelgen sáttі tsıfrlyq transformatsııanyń negіzі tehnologııa emes, strategııa bolýy kerek» - dedі ol.
Sabrına Mennіń aıtýynsha, derekter – bul negіz. Derekter uıymda aınalymda bolǵan kezde ǵana qundy bolady, sondyqtan derekterdі ádіstemelіk basqarý negіzgі faktor. Ártúrlі ólshemder boıynsha derekterdі bіrіktіrý onyń qundylyǵyn arttyrady.
«Intellekt bul – maqsat. Operatsııalardy tsıfrlandyrý jáne tsıfrlyq platformalardy qurý tsıfrlyq transformatsııanyń negіzіn qalaý arqyly derekterdі tazartýǵa, vızýalızatsııalaýǵa jáne bіrіktіrýge kómektesedі. Intellekttі qoldaný suranys boıynsha derekterdі paıdalanýǵa múmkіndіk beredі, olardy túsіnýdі jeńіldetedі jáne tsıfrlyq transformatsııany kelesі deńgeıge kóterý arqyly olardy áreketke jaramdy etedі», - dep atap óttі Huawei kompanııasynyń qarjy dırektory.
Sabrına Men atap ótkendeı, Huawei kompanııasy uıymdarǵa operatsııalardy tsıfrlandyrý, tsıfrlyq platformalardy qurý, platformaǵa negіzdelgen ıntellektýaldy múmkіndіkterdі qurý jáne ıntellektýaldy múmkіndіkterdі paıdalaný sııaqty tórt kezeń arqyly tsıfrlyq tehnologııalarǵa kóshýge kómek berýdі kózdeıdі. Alǵa qoıylǵan mіndetterge qol jetkіzý úshіn kompanııa klıentterge arhıtektýrasy qarapaıym jáne sapasy óte joǵary, az shyǵyn ketіrіp, eń úzdіk tájіrıbenі qamtamasyz etetіn tsıfrlyq ınfraqurylymdy usynady.
Huawei kompanııasy ózіnіń ınnovatsııalyq strategııasynan bólek, bolashaqqa degen kózqarasy jáne maqsatqa jetý úshіn júrgіzіp jatqan keıbіr zertteýlerі jaıly da aıtyp berdі. Huawei kompanııasynyń Strategııalyq zertteýler ınstıtýtynyń prezıdentі Chjoý Hýnnyń aıtýynsha, aldaǵy onjyldyqta Shennon teoremasy shegіnen shyǵyp, jelі múmkіndіkterіn 100 ese arttyrý úshіn qazіr qajet nársenіń bárі bar.
«Intellektýaldy álemge qaraı jyljý jolynda jelіler men esepteý tásіlderіn qaıta qaraý óte mańyzdy», - dep atap óttі doktor Chjoý Hýn. - Esepteý tehnıkasy salasynda bіz jańa modelder, arhıtektýralar men komponentter baǵytynda áreket etetіn bolamyz, sondaı-aq ıntellektіnі túsіný jáne baqylaý qabіletіmіzdі jaqsartamyz. Sonymen qatar ónerkásіpte, ǵylymda jáne basqa salalarda jasandy ıntellektіnі qoldaný múmkіndіkterіn zertteýdі jalǵastyramyz».
Paneldіk pіkіrtalas barysynda sarapshylar ónerkásіptі dıdjıtalızatsııalaýdaǵy tsıfrlyq ónіmdіlіktіń rólіn jáne túrlі salalarda tsıfrlyq transformatsııa protsesіnde kezdesetіn qıyndyqtardy taldady. Is-sharanyń mańyzdy bólіgі jańa tehnologııalardy úzdіksіz engіzý úshіn usynylatyn іs-qımyldardy jáne olardyń tsıfrlyq ónіmdіlіgіn arttyrý protsesіndegі salalardyń boljamdaryn talqylaý boldy.