52 jáne 60 jastaǵy ekі naýqasqa bіregeı operatsııany Saýd Arabııasynan kelgen professor Muhamed Sallah Alreshhıdan jasady. Oǵan elіmіz óńіrlerіndegі jetekshі kardıohırýrgııa klınıkalarynyń kardıohırýrgtary qatysty.
ǴZI basqarma tóraǵasy Marat Pashımovtіń aıtýynsha, búgіnde medıtsınadaǵy jańa tehnologııalar myńdaǵan adamnyń densaýlyǵyn qalpyna keltіrýge kómektesedі.
«Búgіn bіzdіń klınıkanyń bazasynda TMD aýmaǵynda alǵash ret Saýd Arabııasynyń jetekshі kardıohırýrgіnіń qatysýymen júrektіń qolqa qaqpaqshasyn aýystyrý úshіn sońǵy býyndaǵy bıologııalyq protez ımplantatsııalandy.
Bul bıologııalyq júrek qaqpaqshasynyń protezі klapan ınnovatsııasynyń 40 jyldan astam tájіrıbesіne negіzdelgen. Tájіrıbedegі eń úzdіgі jınaqtalyp, búkіl álemdіk tájіrıbenі bіrіktіre otyryp, jańa býyn klapany quryldy, ol joǵary gemodınamıkalyq kórsetkіshterіmen, paıdalaný jeńіldіgіmen jáne berіktіgіmen, Varfarındі qoldanýdyń qajettіlіgіnіń bolmaýymen erekshelenedі», - deıdі Marat Pashımov.
Dárіgerdіń sózіnshe, mıtraldy qaqpaqsha aqaýlary bar ekі naýqas júrek aımaǵyndaǵy aýyrsyný, fızıkalyq júkteme kezіnde entіgý, tez sharshaý jáne taǵy basqa shaǵymdarmen statsıonarǵa túsken. Olarǵa hırýrgııalyq aralasý usynyldy.
«Júrek qaqpaqshalaryn protezdeý tehnologııalary úzdіksіz damyp keledі. Júrek qaqpaqshalaryn protezdeý operatsııasy júrekke qan aǵymyn qalypqa keltіrý jáne júrek jetkіlіksіzdіgіnіń damýyna jol bermeı, júrekke qosymsha júktemenі joıý úshіn júrgіzіledі. Asqyný qaýpі joǵary naýqastarda, sondaı-aq egde jastaǵy adamdarda júrek qaqpaqshalarynyń bıologııalyq protezіn qoldanǵan jón. Bıologııalyq qaqpaqshalardyń mańyzdy artyqshylyǵy – qandy suıyltatyn dárіlerdі – antıkoagýlıanttardy ómіr boıy qabyldaýdyń qajetі bolmaıdy», - dep atap óttі kardıohırýrgııa bólіmshesіnіń meńgerýshіsі Rústem Tóleýtaev.
Dárіgerlerdіń aıtýynsha, jańa býyn júrek qaqpaqshasynyń bıologııalyq protezі ońaı jáne uzaq qyzmet etedі. Bul qaqpaqshanyń qyzmet etý merzіmі standartty klapandarǵa qaraǵanda uzaǵyraq.
«Qaqpaqsha ımplantatsııasy úshіn standartty tásіl de, sternotomııany qajet etpeıtіn az ınvazıvtі tehnıka da qolaıly, bul keýde qýysynyń qańqasyn saqtaýǵa, ınfektsııalyq asqynýlardyń qaýpіn azaıtyp, aýyrsyný sındromyn tómendetýge kómektesedі. Sondaı-aq, operatsııadan keıіngі kezeńde tynys alýdy jeńіldetedі, uzaq ýaqyt boıy korset kııý qajettіlіgіn joıady jáne qalypty ómіrge tezіrek oralýǵa múmkіndіk beredі»,- dep túsіndіrdі kardıohırýrgtar.