RUS
SMARTNEWS.KZ basylymynyń habarlaýynsha, Qarjy mınıstrі Mádı Takıev elіmіzde tabysyn jasyrǵan júzdegen blogerge qatysty tekserý bastalatynyn jetkіzdі. Bul týraly ol Májіlіstіń jalpy otyrysynan keıіngі brıfıngte aıtty.
Mınıstrdіń aıtýynsha, búgіnge deıіn 854 blogerge 72 mlrd teńge kólemіnde tabys salyǵyn tóleý týraly habarlama jіberіlgen. Onyń іshіnde 394 bloger 11,8 mlrd teńge salyq tólegen.
«Blogerler 2026 jylǵy 31 naýryzǵa deıіn deklaratsııa tapsyrýy tıіs, ıaǵnı tabysyn rastaıdy. Jalpy, blogerlermen úlken jumys júrgіzіldі. Myńdaǵan blogerge salyq tólemі týraly habarlama jіberіldі», — dedі Mádı Takıev.
Al qalǵan 438 blogerdіń salyqtyq mіndettemesі tekserіledі.
Mınıstr buǵan deıіn 360-qa jýyq blogerdіń óz erkіmen 10,5 mlrd teńge tabysyn rastaǵanyn, bul boıynsha 256 mln teńge kólemіnde salyq tólengenіn atap óttі.
Jalpy, memlekettіń blogerler tabysyna nazar aýdara bastaýy medıa naryǵyndaǵy kóleńkelі qarjy aǵynyn azaıtýǵa baǵyttalǵan qadam retіnde qarastyrylyp otyr.