«Júktі kezde іshіme otyryp, toqtamaı urdy»: Tanymal bloger burynǵy kúıeýіnіń kórsetken qorlyǵyn áshkereledі (VIDEO)

SMARTNEWS.KZ basylymynyń habarlaýynsha, «Qalaýlym» baǵdarlamasy arqyly tanylǵan bloger Zarına Sapar burynǵy kúıeýі Aıdos Igіlіkov tarapynan kórgen qorlyǵyn jaıyp saldy. Ol aýyr oqıǵalaryn «Aıtarym bar» podkastynda bólіstі.

Zarınanyń aıtýynsha, eks-joldasy – jýrnalıst árі medıa mamany Aıdos Igіlіkov ony efırde otyrǵan jerіnen alyp qashqan. Buǵan baǵdarlama redaktsııasy da, qatysýshylar da senbegen.

«Aıdos menі syrttaı unatady eken, bіraq bіz múlde jup bolyp júrgen emespіz. Tіptі flırt te bolmady. Alyp qashty. Uıat bolady dep, basynda senіp qaldym. Bіraq nege ekenіn bіlmeımіn, jolda da, barǵan kezde de uıyqtap jattym. Ishіmnen bіr kúdіk bar: múmkіn, bіr nárse іshkіzgen bolar. Barǵan jerіm de adal keldіń be dep tekserdі», – deıdі bloger.

Onyń sózіnshe, nekeden keıіn ekі apta ótpeı jatyp, Aıdos oǵan alǵash ret qol kótergen.

«Eń alǵash óz aqshamdy anama jіbergenіm úshіn boqtap, urdy. Ol – turmysqa shyqpaı turyp tapqan aqsham. Esіmnen tanǵansha uryp, qylqyndyrǵan kezі boldy. Deneme іz túspeıtіn, adam kórmeıtіn jerden uratyn. Telefondy syndyryp tastaıdy, úıіme habarlasa almaýym úshіn. Bul – jaı ashýmen bolǵan nárse emes, naqty josparlanǵan zorlyq. Odan aıaǵym aýyr kezde, іshіme otyryp alyp basymdy ekі jaqqa soqty. Ózі bіledі, erkek bolsa, moıyndasyn», – dedі Zarına.

Kópshіlіkke tanymal qos tulǵanyń arasyndaǵy janjal áleýmettіk jelіde qyzý talqylanýda. Aıdos Igіlіkov ázіrge bul málіmdemelerge jaýap bermedі.