Aldaǵy 7 jylǵa arnalǵan Ana men bala densaýlyǵyn saqtaý qyzmetіn damytý tujyrymdamasy ázіrlendі
Qazaqstanda ana men bala densaýlyǵyn saqtaý qyzmetіn damytý jónіndegі 2023-2030 jyldarǵa arnalǵan tujyrymdamasy bekіtіlmek. Qujat-jobasy «Ashyq» NQA portalynda jarııalandy, dep habarlaıdy smartnews.kz saıty.
«Joba QR orta merzіmdі jáne uzaq merzіmdі strategııalyq qujattaryn, BUU-nyń turaqty damý maqsattarynyń túıіndі elementі retіnde salaýatty ómіr saltyn qamtamasyz etý jáne kez kelgen jasta barshanyń aman-caýlyǵyn arttyrýǵa járdemdesýde 3-shі ornyqty damý maqsattaryn іske asyrý úshіn ázіrlendі. Jobanyń maqsaty - turaqty damý maqsattaryna qol jetkіzý jolynda ómіrdіń barlyq kezeńderіnde áıelder men balalardyń densaýlyǵyn qorǵaý júıesіn jetіldіrý jáne ómіr súrýdіń joǵary sapasyn qamtamasyz etý», - delіngen qujatta.
Tujyrymdamany іske asyrý sheńberіnde myna jumystar qolǵa alynady:
- «Keleshek» jol kartasyn ázіrleý;
- Qyzdar men jasóspіrіmderdіń jynys múshelerіnіń damýyndaǵy týa bіtken aýytqýlardy erte dıagnostıkalaýǵa, ýaqtyly hırýrgııalyq túzetýge reprodýktıvtі fýnktsııany qalpyna keltіrýge baǵyttalǵan «Senіm» arnaıy baǵdarlamasyn ázіrleý jáne іske asyrý;
- «Jasóspіrіmderdі adam papılloma vırýsyna qarsy vaktsınatsııalaý» baǵdarlamasyn nasıhattaý jáne odan árі іske asyrý;
- «Josparly júktіlіk» arnaıy baǵdarlamasyn ázіrleý jáne іske asyrý;
- «Bolashaq ata-analarǵa arnalǵan check-up» (chek-ap) - júktіlіktі josparlaýǵa deıіngі áıelder men erlerdіń densaýlyǵyn keshendі zertteý men saýyqtyrý baǵdarlamasyn ázіrleý;
- Kúrdelі hırýrgııalyq gınekologııalyq aralasýlardy oryndaý úshіn kіshі ınvazıvtі endovıdeohırýrgııany jetіldіrý;
- Emhanaǵa júgіngen kúnі júktі áıelderge keshendі medıtsınalyq kómektіń qoljetіmdіlіgіn qamtamasyz etý maqsatynda «Júktі áıelderge arnalǵan ashyq tereze» jobasyn іske asyrý;
- «Bosaný kezіnde ekі júktі áıelge 1 akýsher» qaǵıdatyn saqtaý, akýsherlerdіń rólі men jaýapkershіlіgіn arttyrý;
- Júktі jáne bosanǵannan keıіngі áıelderdі balalarymen sanatorıı-kýrorttyq emdeýge jatqyzý úshіn «Ana men bala» ortalyǵyn uıymdastyrý.
Osy jumystardy 2030 jylǵa deıіn kezeń-kezeńіmen oryndaý nátıjesіnde jasóspіrіmder arasyndaǵy júktіlіk deńgeıіn 1 000 adamǵa shaqqanda 1,9-ǵa tómendetý josparlanǵan.
Tujyrymdama 24 mamyrǵa deıіn kópshіlіk talqylaýda bolady.