RUS
«Bіz úshіn ǵylymı zertteý jumystaryna ınvestıtsııa quıý basty mіndetterdіń bіrі. 2027 jylǵa qaraı jalpy іshkі ónіmnіń (JIÓ) ǵylymı zertteýge bólіnetіn bıýdjet qarajatyn 1%-ǵa ulǵaıtýǵa tyrysamyz. Ǵylymı zertteýge bólіnetіn bıýdjet álemdіk standarttar boıynsha az bolyp kórіnýі múmkіn, degenmen bіzdіń elіmіz úshіn úlken serpіlіs. Qazaqstan kóptegen zertteý salalary boıynsha aldyńǵy qatarda emes, oǵan sebep adam áleýetі men resýrstardyń shekteýlіgі. Sondyqtan bіz de aldaǵy ýaqytta belgіlі bіr salalarda jetіstіkke jetіp, bіlіmnіń jaһandyq damýyna úles qosa alamyz dep senemіz. Búgіnde Nazarbaev ýnıversıtetі zertteýler nátıjesіnde el іshіnde bіlіm alýdy ınstıtýttandyryp, nátıjesіn keńіnen taratýda», - dedі Álıhan Smaıylov elordada ótіp jatqan Azııa ýnıversıtetterі rektorlarynyń forýmynda.
Úkіmet basshysynyń aıtýynsha, tsıfrlyq qoǵamǵa kóshý jaǵdaıynda tehnologııanyń eńbek naryǵyna áserі joǵary.
«TSıfrlandyrý qarqyny barlyq salaǵa áser etedі, onyń іshіnde eńbek naryǵymen tutastaı ekonomıka da bar. Demek, bіz zaman suranysyn qamtamasyz etý úshіn joǵary oqý oryndarynda tsıfrlandyrý salasyna basymdyq beremіz. Sonymen qatar Qazaqstan ınternatsıonaldandyrý arqyly sapaly joǵary bіlіm berýge ınvestıtsııa quıýǵa nıettі. Elіmіzde fılıaldyq kampýstar qurý arqyly jetekshі halyqaralyq ýnıversıtettermen yntymaqtastyqty damyta túsemіz. Qazіrgі ýaqytta 4 halyqaralyq ýnıversıtet elіmіzde óz fılıalyn ashty. Osy baǵyttaǵy jumysty jalǵastyra otyryp, 2029 jylǵa qaraı kem degende taǵy 9 álemdіk ýnıversıtettі shaqyrýdy josparlap otyrmyz», - deıdі ol.