RUS
Qazіr Abaı oblysynda óńіrdegі eldі mekenderdі keń jolaqty ınternet jelіsіne qosý úshіn «Jol kartasy» jobasy ázіrlenýde. Bul týraly Kókpektі aýdanynda aımaq basshysy Nurlan Uranhaevtyń tóraǵalyǵymen ótken kóshpelі apparattyq keńes barysynda aıtyldy.
Oblystyq energetıka jáne TKSh basqarmasynyń basshysy Bolat Ábdіralıevtіń aıtýynsha, lıtsenzııalyq kelіsіm aıasynda oblys ákіmdіgі elektr jelіsіn tarta otyryp, 26 antenna-dіńgek qurylysyn salýdy josparlap otyr.
Máselen, aǵymdaǵy jyly Abaı, Úrjar, Jarma aýdandarynyń aýyldarynda 9 AMS qurylysy bastalady. Kelesі jyly taǵy 17 AMS qurylysy josparlanǵan, onyń 11-іnіń jobasy daıyn (Aıagóz, Besqaraǵaı, Aqsýat aýdandarynda) jáne 6 qurylystyń jobasy ázіrlený ústіnde (Semeı qalasyna qarasty Aqbulaq, Abyraly, Qaraóleń aýyldyq okrýgterі, Borodýlıha jáne Kókpektі aýdandary). Sonymen qatar, 4 AMS jeke qarajat esebіnen salynady.
Jergіlіktі ákіmdіkterdіń aqparatyna súıensek, oblystaǵy aýyldyq eldі mekenderdіń tek 66,7 paıyzynda nemese 222-sіnde ǵana ınternet bar (onyń іshіnde 134 aýyl symdy jáne mobıldі ınternetpen qamtamasyz etіlgen, 75 eldі mekende mobıldі ınternet, 13 aýylda symdy ınternet qoljetіmdі).