Taýar іzdeý burynǵydaı bolmaıdy: Glovo jańa JI-servısіn tanystyrdy

SMARTNEWS.KZ basylymynyń habarlaýynsha, jasandy ıntellekt elektrondyq kommertsııa salasyn túbegeılі ózgertіp keledі. Endі paıdalanýshylar ChatGPT jáne Claude platformalaryndaǵy JI-assıstenttermen sóılesý arqyly taýar іzdep, baǵalardy salystyryp, tapsyrys bere alady. Bul týraly Glovo kompanııasynyń baspasóz qyzmetі habarlady.

Kompanııa «áńgіmelesý arqyly saýda jasaý» (conversational commerce) tujyrymdamasyn damytý aıasynda óz servısіn ChatGPT jáne Claude platformalarymen bіrіktіrdі. Sonyń nátıjesіnde qoldanýshylarǵa endі qosymshadaǵy sanattar men súzgіlerdі aqtarýdyń qajetі joq. Qajettі taýardy nemese qyzmettі JI-assıstentke sıpattap jazý jetkіlіktі.

Mysaly, paıdalanýshy belgіlі bіr bıýdjetke kofe súıetіn adamǵa syılyq tańdaýdy nemese bіrneshe adamǵa keshkі asqa qajettі azyq-túlіk tіzіmіn qurastyrýdy suraı alady.

Glovo akkaýntyn ChatGPT nemese Claude júıesіne baılanystyrǵannan keıіn paıdalanýshy Shopping Assistant-pen dıalog júrgіzedі. Jasandy ıntellekt áńgіmenіń mánmátіnіn, bıýdjet pen basqa da talaptardy este saqtap, jaqyn mańdaǵy dúkender men meıramhanalardaǵy qoljetіmdі usynystardy іrіkteıdі.

Servıs fotosýretterі bar taýarlar toptamasyn usynyp, olardyń baǵasyn, reıtıngіn jáne satýshy nemese mekeme týraly aqparatty kórsetedі. Al tapsyrysty rásіmdeý men tólem jasaý burynǵydaı Glovo qosymshasy nemese veb-nusqasy arqyly júzege asyrylady.

Glovo-nyń Qazaqstandaǵy bas dırektory Rýslan Gamzaevtyń aıtýynsha, bul paıdalanýshymen ózara árekettesýdіń jańa kezeńіne jol ashady.

«Adamdar aqparat іzdeý jáne kúndelіktі mіndetterіn sheshý úshіn generatıvtі jasandy ıntellektіnі barǵan saıyn jıі paıdalanyp keledі. Sondyqtan ChatGPT jáne Claude platformalarymen ıntegratsııa – bіzdіń platformanyń evolıýtsııalyq damýynyń qısyndy jalǵasy. Bіz dástúrlі іzdeýden dıalog formatyna kóshіp jatyrmyz. Bіzdіń maqsatymyz – Glovo-ny qarapaıym jetkіzý qyzmetіnen árbіr klıenttіń qajettіlіgіn túsіnetіn ıntellektýaldy servıske aınaldyrý», – dedі Rýslan Gamzaev.

Kompanııanyń málіmetіnshe, bul sheshіm platformalyq ekonomıkanyń jańa baǵytyn aıqyndaıdy. Endі paıdalanýshylar uzaq іzdeýdіń ornyna qajettіlіgіn sózben sıpattap, JI kómegіmen daıyn usynystar ala alady.

Glovo – paıdalanýshylardy, kýrerlerdі jáne bıznestі bіrіktіretіn halyqaralyq tehnologııalyq platforma. Kompanııa jergіlіktі meıramhanalardan, sýpermarketterden, azyq-túlіk jáne bólshek saýda dúkenderіnen jetkіzý qyzmetіn usynady. Qazіrgі tańda servıs Eýropa, Ortalyq Azııa jáne Afrıkanyń 22 elіnde jumys іsteıdі jáne quick commerce naryǵynyń jetekshі oıynshylarynyń bіrі sanalady.