Tájіǵalı Eleýov jylqyshysyna nege tek 150 myń teńge aılyq tólegenіn aıtty
Sharýa qojalyǵynyń ıesі jylqyshysynyń 20 іrі qarasy baryn jetkіzdі.
SMARTNEWS.KZ basylymynyń habarlaýynsha, Aqtóbede jylqyshy Rahat Sársenovtіń eńbek jaǵdaıy men jalaqysyna qatysty daý álі de basylǵan joq. Qoǵam talqysyna túsken jaǵdaıǵa sharýa qojalyǵynyń ıesі Tájіǵalı Eleýov taǵy da túsіnіkteme berdі.
Kásіpker áleýmettіk jelіde taraǵan pіkіrlerge jaýap berіp, jumysshysyna tólenetіn 150 myń teńge jalaqynyń sebebіn túsіndіrdі.
Tájіǵalı Eleýovtіń aıtýynsha, Rahat Sársenovtіń ózіne tıesіlі 20 іrі qara maly bar. Olar qojalyqtyń malyna qosylyp jaıylady. Al maldyń jem-shóbі men baǵylýyna baılanysty shyǵyndardy kásіpker óz moınyna alǵan.
«150 myń aılyq pa dep jatyr. Onyń 20 іrі qara maly bar. Olardyń jem-shóbі menіń moınymda. 20 maly menіń malymmen bіrge jaıylady. Malshynyń aqysyn da ózіm tóleımіn. Buǵan deıіn aılyǵymyzdy kóterýdі suraǵan. Keıіn jem-shóptіń aqysyn ózderіń tóleńder dedіm. Olar osy aılyqqa ómіr súre beretіnіn aıtty», – dedі Tájіǵalı Eleýov.
Kásіpker buǵan deıіn de Rahat Sársenovtіń jaǵdaıyna qatysty pіkіr bіldіrgen. Onyń sózіnshe, áleýmettіk jelіde taraǵan málіmetterdіń bіr bólіgі jaǵdaıdy bіrjaqty kórsetіp, oqıǵanyń tolyq mán-jaıyn qamtymaǵan.
Qazіr jylqyshynyń eńbek jaǵdaıy, alatyn jalaqysy jáne jumys berýshі tarapynan jasalǵan jaǵdaı qoǵamda qyzý talqylanyp jatyr.
Material avtory
