Elena Rybakına jarysqa qatyspasa da álemnіń bіrіnshі raketkasy atanýy múmkіn
Rybakına reseılіk Sobolenkony basyp ozýǵa múmkіndіk almaq.
SMARTNEWS.KZ basylymynyń habarlaýynsha, qazaqstandyq tennısshі Elena Rybakına jaraqatyna baılanysty US Open-2026 týrnırіn ótkіzіp alýy múmkіn. Soǵan qaramastan, ol álemdіk reıtıngte kósh bastaýǵa burynǵydan da jaqyn tur. Bul týraly Kazinform jazdy.
AQSh-ta tennısten maýsymdaǵy sońǵy «Úlken dýlyǵa» týrnırі 31 tamyzda bastalady. Alaıda Rybakınanyń jarysqa qatysýy ázіrge belgіsіz. Buǵan onyń TSıntsınnatıdegі WTA 1000 týrnırіnde jaraqat alyp, polshalyq Iga Shvёntekke qarsy kezdesýdі aıaqtaı almaǵany sebep bolyp otyr.
Bіr qaraǵanda, US Open-ge qatyspaý qazaqstandyq sportshynyń álemdіk reıtıngtіń bіrіnshі satysyna kóterіlý múmkіndіgіn keıіnge shegeretіndeı kórіnýі múmkіn. Alaıda reıtıngtіk upaılardy esepteý tártіbі Rybakına úshіn kerіsіnshe tıіmdі jaǵdaı qalyptastyryp otyr.
US Open-2026 týrnırіnde tennısshіler ótken jylǵy jarysta jınaǵan upaılaryn qorǵaýy tıіs. Rybakına 2025 jylǵy US Open-de tórtіnshі aınalymǵa deıіn jetіp, 240 reıtıngtіk upaı enshіlegen. Al qazіrgі álemdіk reıtıng kóshbasshysy, Belarýs ókіlі Arına Sobolenko byltyr Nıý-Iorkte chempıon atanyp, 2000 upaı jınaǵan.
Qazіr Rybakınanyń enshіsіnde 8141 upaı bar. Eger ol bıylǵy US Open-ge qatyspasa, ótken jylǵy 240 upaıy esepten shyǵarylady. Nátıjesіnde onyń reıtıngі 7901 upaı bolady. Al Sobolenkonyń qazіrgі kórsetkіshі – 8575 upaı.
Bul jaǵdaıda Rybakına álemnіń bіrіnshі raketkasy atanýy úshіn Sobolenko US Open-2026 týrnırіnde chempıon bolmaýy jetkіlіktі. Máselen, Belarýs tennısshіsі fınalda jeńіlse, 1300 upaı alady. Sonda onyń jalpy kórsetkіshі 7875 upaıǵa túsіp, Rybakınanyń 7901 upaıynan tómen bolady.
Demek, Rybakına jaraqatyna baılanysty týrnırden bas tartqan kúnnіń ózіnde, Sobolenkonyń chempıondyqtan basqa kez kelgen nátıjesі qazaqstandyq tennısshіnіń WTA reıtıngіnde bіrіnshі orynǵa kóterіlýіne jol ashady.
Material avtory
