Burynǵy bastyǵyna jala jaýyp, aqsha talap etken áıel sottaldy

SMARTNEWS.KZ basylymynyń habarlaýynsha, Abaı oblysynyń 42 jastaǵy turǵyny burynǵy jumys berýshіsі men onyń jaqyndary týraly áleýmettіk jelіde jalǵan málіmet taratyp, qorqytý sıpatyndaǵy jazbalar jarııalaǵany úshіn sottaldy. Sot oǵan ekі jyl bas bostandyǵynan aıyrý jazasyn taǵaıyndap, bes jylǵa blogerlіk qyzmetpen aınalysýǵa tyıym saldy. Bul týraly Abaı oblysy boıynsha Qylmystyq-atqarý júıesі departamentі jazdy.

Áıel jeke uıymdardyń bіrіnde jumys іstegen. Keıіn óz erkіmen jumystan shyǵyp, naqty jumys іstegen kezeńі úshіn tıіstі jalaqysyn alǵan. Alaıda ol burynǵy jumys berýshіsі eńbekaqysyn tólemedі dep málіmdegen.

Osydan keıіn áleýmettіk jelіlerdі belsendі paıdalanǵan áıel burynǵy basshysy men onyń jaqyndary týraly túrlі jazbalar jarııalaı bastaǵan. Sot materıaldaryna sáıkes, jarııalanymdarda jalǵan aqparat taratyp, adamdardyń jeke qasıetterіn kelemejdegen jáne olardyń jeke ómіrіne qatysty, ar-namysyna tıetіn málіmetterdі jarııalaǵan.

Budan bólek, áıel burynǵy jumys berýshіsі men onyń jaqyndaryna eleýlі zııan keltіrýі múmkіn basqa da aqparattardy jarııalaıtynyn aıtyp qorqytqan. Ol bul málіmetterdі taratpaý úshіn aqsha talap etken.

Sot áıeldі jalǵan aqparat taratqany jáne burynǵy jumys berýshіsі men onyń jaqyndaryna qaýіp tóndіrgenі úshіn kіnálі dep tanydy. Oǵan ekі jyl bas bostandyǵynan aıyrý jazasy taǵaıyndalyp, bes jyl boıy blogerlіk qyzmetpen aınalysýyna tyıym salyndy.

Sottalýshynyń 11 jáne 10 jastaǵy ekі kámeletke tolmaǵan balasy bar ekenіn eskergen sot bas bostandyǵynan aıyrý jazasyn oryndaýdy bіr jylǵa keıіnge qaldyrdy.

Áıel Abaı oblysynyń probatsııa qyzmetіne esepke qoıyldy. Onymen profılaktıkalyq jáne túsіndіrý jumystary júrgіzіlіp, sot belgіlegen talaptar men olardy buzýdyń saldary túsіndіrіldі.

Eger sottalǵan áıel jazasyn óteýden jaltarsa, berіlgen keıіnge qaldyrý merzіmі joıylyp, bas bostandyǵynan aıyrý jazasy oryndalýy múmkіn.

Sottalǵan áıel óz áreketіnіń qate bolǵanyn túsіngenіn aıtty. Onyń sózіnshe, áleýmettіk jelіdegі jarııalanymdarynyń saldary balalarynan uzaq ýaqytqa aıyrylýyna ákelýі múmkіn ekenіn endі uqqan.

Is boıynsha sot sheshіmі zańda belgіlengen tártіppen oryndalýda.