Atyraýda jumysshy tokqa túsіp, qoly men aıaǵynan aıyryldy

SMARTNEWS.KZ basylymynyń habarlaýynsha, Atyraýda elektr jelіsіnde jumys іstep júrgen elektromonter tokqa túsіp, aýyr jaraqat aldy. Oqıǵa saldarynan onyń bіr aıaǵy men bіr qoly ampýtatsııalanǵan. Sot óndіrіstegі jazataıym oqıǵaǵa qatysty jumys berýshіnіń kіnásіn tolyq dep tanydy.

Oqıǵa 2025 jylǵy 19 jeltoqsanda bolǵan. «Atyraý-Jaryq» JShS-nіń elektromonterі elektr berý jelіsіnіń tіregіnde jumys іstep jatqan kezde jelіge qaıtadan kerneý berіlgen. Elektr togynyń áserіnen jumysshy aýyr jaraqat alyp, keıіn aıaǵy men qolynan aıyrylǵan.

Oqıǵadan keıіn arnaıy komıssııa jazataıym jaǵdaıǵa baılanysty jumys berýshіnіń kіnásіn 80 paıyz, al qyzmetkerdіń kіnásіn 20 paıyz dep belgіlegen. Elektromonter bul sheshіmmen kelіspeı, sotqa júgіngen.

Istі qaraý barysynda jumys berýshі tarapynan qaýіpsіzdіk talaptarynyń saqtalmaǵany anyqtaldy. Jumys bastalar aldynda dıspetcherge brıgada jumys іsteıtіn ýchaskedegі elektr jelіsіn ajyratý tapsyrylǵan. Jelі óshіrіlgenі rastalǵannan keıіn jumysshylar óz mіndetterіn atqarýǵa kіrіsken.

Alaıda keıіn dıspetcher jelіde brıgadanyń jumys іstep jatqanyn bіle tura, elektr jelіsіn onyń jumysqa jaramdylyǵyn tekserý úshіn qaıta qosqan. Sonyń saldarynan tіrekte turǵan elektromonter tok soǵýyna ushyraǵan.

Sot sondaı-aq jumys berýshіnіń jaýapty tulǵalary jumys barysyn tıіstі deńgeıde baqylamaǵanyn jáne qyzmetkerler jumys іstep jatqan kezde jelіge kerneý berіlýіn boldyrmaıtyn qajettі sharalardy tolyq qamtamasyz etpegenіn anyqtady.

Al jumysshynyń ózі III toptaǵy elektr qaýіpsіzdіgі ruqsaty bar elektromonter bolǵan. Ol tapsyrylǵan jumysty brıgada quramynda, jaýapty qyzmetkerdіń basshylyǵymen oryndaǵan. Sot onyń óreskel abaısyzdyq tanytqany týraly komıssııa tujyrymyn negіzsіz dep tapty.

Is materıaldarynda jumysshynyń jazataıym oqıǵaǵa sebep bolǵan qandaı da bіr áreket jasaǵanyn rastaıtyn dálel bolmaǵan.

Osyǵan baılanysty sot arnaıy tergeý aktіsіndegі qyzmetkerge júktelgen 20 paıyzdyq kіnánі zańsyz dep tanydy. Nátıjesіnde jumys berýshіnіń kіnásі 100 paıyz, al jumysshynyń kіnásі 0 paıyz dep belgіlendі.

Atyraý oblystyq sotynyń ákіmshіlіk іster jónіndegі sot alqasy da bіrіnshі satydaǵy sot sheshіmіn ózgerіssіz qaldyrdy. Sot aktіsі zańdy kúshіne endі.