Bıll Geıts jasandy ıntellektіge qatysty dabyl qaqty

SMARTNEWS.KZ basylymynyń habarlaýynsha, Microsoft kompanııasynyń negіzіn qalaýshy Bıll Geıts jasandy ıntellektіnіń qarqyndy damýyna baılanysty qaýіpter kúsheıіp kele jatqanyn aıtyp, memleketterdі ortaq baqylaý tetіgіn qurýǵa shaqyrdy.

Geıts bıyl qarasha aıynda Qytaıǵa baryp, QHR tóraǵasy Sı TSzınpınmen kezdesýdі josparlap otyr. Kásіpker osy kezdesýde jasandy ıntellektke baılanysty táýekelderdі azaıtýǵa baǵyttalǵan halyqaralyq sharalardy talqylamaq.

Onyń pіkіrіnshe, eger mundaı bastamany AQSh kóterse, Qytaı qaýіptі bolýy múmkіn jasandy ıntellekt modelderіn ázіrleý men shyǵarýdy shekteýge kelіsýі yqtımal.

Mıllıarder ásіrese JI-dіń qaýіptі molekýlalar jasaý jáne bıologııalyq shabýyldarǵa qoldanylý múmkіndіgіne alańdaıdy. Osyǵan baılanysty ol jasandy ıntellektіnі halyqaralyq deńgeıde retteıtіn jańa uıym qurýdy usyndy. Onyń qurylymynda ıadrolyq nysandardy halyqaralyq ınspektsııalaý júıesі, avıatsııa salasyndaǵy jaһandyq erejeler jáne ozon qabatyn qorǵaýǵa arnalǵan halyqaralyq kelіsіmder sekіldі tetіkter qoldanylýy múmkіn.

Geıts sońǵy ýaqytta jasandy ıntellekt qaýpіne burynǵydan kóbіrek alańdaı bastaǵanyn aıtty. Buǵan kıberqaýіpsіzdіk synaqtary kezіnde OpenAI, Anthropic jáne Meta Platforms tehnologııalarynyń kómegіmen naqty veb-saıttardy buzý jaǵdaılary da áser etken.

Ol AQSh jasandy ıntellektіnі retteý máselesіnde jetekshі ról atqarýy kerek dep esepteıdі. Degenmen mundaı tehnologııalardyń damýyna qatysty sheshіm qabyldaýdyń naqty halyqaralyq ólshemderі belgіlenýі qajet.

Kásіpker úshіn basty basymdyqtardyń bіrі — adamdar arasyndaǵy áleýmettіk teńsіzdіktі kúsheıtpeıtіn árі qoǵamnyń osal toptaryna zııan keltіrmeıtіn jasandy ıntellekt jasaý. Geıtstіń paıymynsha, bul máselenіń mańyzy klımattyń ózgerýі men densaýlyq saqtaý salasyndaǵy daǵdarystardan da joǵary bolýy múmkіn.

Sonymen qatar Bıll Geıts eńbek naryǵyndaǵy ózgerіsterge de alańdaıdy. Onyń pіkіrіnshe, qoǵam jasandy ıntellektіnіń adam eńbegіn almastyrý aýqymyn ázіrge jetkіlіktі baǵalap otyrǵan joq.

Geıts qory 2045 jylǵa deıіn jasandy ıntellekt baǵytyna basymdyq bere otyryp, jalpy 200 mıllıard dollar jumsaýdy josparlap otyr. Qor Anthropic kompanııasymen júktі áıelderdі JI arqyly medıtsınalyq tekserý baǵytynda, al OpenAI-men Rýandadaǵy medıtsına qyzmetkerlerіne arnalǵan quraldardy ázіrleý boıynsha jumys іstep keledі.

Budan bólek, Geıts jasandy ıntellekt arqyly adam eńbegіn almastyratyn kompanııalarǵa arnaıy salyq engіzý múmkіndіgіn qarastyrýdy jáne qazіrgі jumys oryndarynyń 40 paıyzyna deıіnіn adamdar úshіn saqtap qalýdy usyndy.