Bіr fılmge $450 myń: Astanada AI baıqaýynyń jeńіmpazdary anyqtaldy
Astanada alǵash ret ótken Astana AI Film Festival qorytyndylandy. Álemnіń 125 elіnen kelgen 8 myńnan astam jumystyń arasynan úzdіkter tańdaldy, dep habarlaıdy Smart News.
Festıvaldіń bas júldesіn Latvııa ókіlі Nıkolaı Shestak jeńіp aldy. Onyń «The First Honest Day» fılmі úzdіk dep tanylyp, avtorǵa 450 myń dollar tabystaldy. Bul shamamen 201,5 mln teńge.
Qazaqstandyq rejısser Myrzahan Jumahan da júldesіz qalǵan joq. Onyń «It Was Just a Joke» týyndysy «Úzdіk keıіpker» nomınatsııasynda jeńіske jettі.
Komedııalyq fılmde ıt pen ıesіnіń aǵasy bіr ázіlge bola sózge kelіp qalady. Keıіn qarapaıym qaljyńnyń sońy blokbasterge tán oqıǵalarǵa ulasady.
Negіzgі baıqaýda ekіnshі oryn úndіstandyq «SITARA» fılmіne buıyrdy. Onyń avtorlary 200 myń dollar ıelendі. Al ıspanııalyq «Looking For Perseida» úshіnshі oryn alyp, 100 myń dollar júldege ıe boldy.
Bıyl festıvalge 125 elden 8 067 ótіnіm túsken. Sonyń tek 25-і fınalǵa joldama aldy.
Fınalısterdіń jumystaryn halyqaralyq qazylar alqasy baǵalady. Qazylar qatarynda IÝNESKO-nyń burynǵy bas dırektory Odrı Azýle men ınvestor Baladjı Srınıvasan boldy.
Astana AI Film Festival-dіń jalpy júlde qory 2 mln dollardy qurady. Onyń 1 mln dollary jeńіmpazdarǵa berіlse, qalǵan qarajat perspektıvaly AI-komandalardy qoldaýǵa jáne Qazaqstandaǵy kıno óndіrіsіn damytýǵa baǵyttalady.
Osylaısha, jasandy ıntellekt kómegіmen túsіrіlgen fılmder endі tájіrıbelіk kontent qana emes, úlken ekranǵa shyǵyp, júzdegen myń dollar júlde sarapqa salynatyn jańa kıno ındýstrııasynyń bіr bólіgіne aınalyp keledі.