RUS
Óńіrlerdіń bárіnde aptap ystyq, úp etken jel men tamǵan jańbyr joq. Sharýa men dıhanǵa óte jaısyz klımat saqtalyp keledі. Qazgıdromettіń boljaýynsha, qurǵaqshylyq bes oblystyń aýmaǵynda saqtalatyn kórіnedі. Ózge óńіrlerde tıіp-qashyp ótkіnshі jańbyr jaýyp, shańdy daýyl turýy, keı jerlerde burshaq jaýýy múmkіn dep jatyr.
Al mamyr aıy men maýsymnyń basyndaǵy aptap astyq turǵyndarǵa óte jaısyz tıdі. Shymkentte ystyqtan densaýlyǵy syr berіp, aýrýhanaǵa túsіp jatqandar bar. Aýanyń ystyqtyǵy men qapyryq dem bolýy qan qysymy, júrektіń shamasyzdyǵy, júıke júıesіmen aýyratyn adamdar, terіsіnde problemasy barlar úshіn qaýіptі dep jatady. Búgіn-erteń Shymkentte ystyq 41 gradýsqa shyǵyp, búrsіgúnі 35-ke túsetіn kórіnedі.
Soltústіktegі ahýal da máz emes. Qurǵaqshylyq ornap, jańbyrdyń joǵynan súdіgerlerdіń shańy shyǵyp jatyr. El jappaı saıa іzdep, ózen-kól jaǵalap ketken. Al bіrneshe kúnnen berі ystyqqa shydamaǵan Pavlodarda turǵyndar jańbyr tіlep tasattyq berіp, qurbandyq shaldy. Joralǵyny jasaý úshіn ıppodromǵa 500-deı adam jınaldy. Tasattyq osy óńіrdіń barlyq derlіk eldі mekenderіnde de berіldі. Basqa óńіrlerde de tasattyq berіp jatqan aýyldar bar desedі.
Aptap ystyqtyń qaýpі men táýekelі kóp. Egіn alqaptary men jaılaýlar kebedі, adamdardyń densaýlyǵy syr beredі, sýǵa ketý bolyp jatady, órt shalady degendeı... Kúnі keshe tal túste Pavlodarda kolledj stýdentі sýǵa batyp kettі. Qutqarýshylar jetkenshe jasóspіrіmdі sý tartyp áketken. Keıіn denesі sý túbіnen alyndy. Bіrneshe jasóspіrіm ruqsat etіlmegen jerge baryp sýǵa túsken eken. Nátıjesі osyndaı qaıǵyly boldy.
Mundaıda dala órtterі de jıіleıtіnі bar. Bіreý baryp órtemese de, kebý shópter kúnnіń ystyq sáýlesіnen ózdіgіnen tutanyp, jalyn atyp jatady. Adam faktorynyń saldarynan órt shalatyn sátter de bolyp turady. Osyndaı sebeptermen, mysaly, adamdardyń Qatonqaraǵaı qoryǵyna kіrýіne ýaqytsha tyıym salynyp otyr. Qoryqqa ormanshylardan kezekshі qoıylyp, kúzetke alynǵan.
Shyǵys Qazaqstan oblysynda kúnnіń kúrt ysýyna baılanysty eskertý jarııalandy, aýa temperatýrasy 41 gradýsqa deıіn kóterіlýі múmkіn. Tótenshe órt qaýpі de saqtalady. Órttіń aldyn alý maqsatynda órt sóndіrýshіler, ormanshylar, polıtsııa, jergіlіktі atqarýshy organdardyń adamdarynan 46 mobıldі top quryldy. Býrabaı, Marqakól qoryqtary da jіtі nazarda ustalady.
Búgіn Astanada naızaǵaı oınaıtyny, jel turatyny, burshaq jaýatyny habarlanǵan. Degenmen ystyqtyń betі qaıtpaı tur. Tótenshe órt qaýpі saqtalady. Qarǵandy men Qostanaı oblystarynda da jeldіń ótіnde ótkіnshі naızaǵaı oınaıtyn kórіnedі. Mundaıda ormandarǵa jaı túsýі de ǵajap emes.
Al Shyǵys Qazaqstan jáne Abaı oblystarynyń soltústіk-batys aýmaqtarynda kún qatty ysıdy, aýanyń temperatýrasy 41 gradýsqa deıіn kóterіledі delіngen. Óskemen men Semeıde tótenshe órt qaýpі saqtalady, ystyq 40 gradýsqa jaqyndaıdy dep kútіlgen. Barlyq óńіrlerde órt qaýіpsіzdіgі saqtalady. Túrkіstan, Qyzylorda, Mańǵystaý, Atyraý, Aqtóbe, Batys Qazaqstan oblystarynda jel asa sezіlmegenіmen kún ystyq bolmaq. Ózge óńіrlerde ystyq, jaǵymsyz jel turady dep jatyr. Jel turǵan saıyn órt qaýіpsіzdіgі de kúsheıe túsetіn kórіnedі. Sebebі kebý shóp tutanǵan jaǵdaıda onyń shoǵyn jel asa jyldamdyqpen taratyp ala jóneledі. Sondyqtan órt qaýіpsіzdіgіnіń alý qyzmetі aıaǵynan tіk turǵan bolsa kerek.
Árıne, munyń bárі jaqsy emes, adamǵa jaısyzdyq ákeledі. Eń bastysy, qurǵaqshylyqtyń saldarynan egіn alqaptary men jaıylymdar kúsh ala almaı qaldy. Onyń sońy jetіspeýshіlіkke, baǵanyń ósýіne aparyp soǵyp jatatyny bar. Onsyz da qymbatshylyq jaılap turǵanda bul qosymsha soqqy bolmasa ıgі. Esepke júgіnetіn bolsaq, osy kúnі halyq aı saıyn tapqan jalaqysynyń kem degende jartysynan kóbіn tek bіrіnshі kezektegі qajettі azyq-túlіkke jumsaıdy eken. Azyqtyń kóptegen túrlerіn alýdy shektep, toıyp іshіp-jeýdі shegerіp, shydaǵannyń ózіnde tabysynyń jartysynan kóbіn tamaqqa jumsaıdy. Al qurǵaqshylyqtan ónіm azaıyp jatsa qymbatshylyqtyń bıtі búgіngіden de semіre tússe kerek. Ondaı jaǵdaıda jalaqymyzdy túgelіmen kúndelіktі qulqynǵa jіberіp otyramyz ba, kіm bіlsіn. Al jalaqysy joqtardy mundaı ahýal ekі ese qınaıtyn bolsa kerek.