«Pısıa» dep jazyp qoıǵan»: tanymal bloger Darıkornnyń jarnamasynyń kesіrіnen bala mazaqqa ushyraǵan

SMARTNEWS.KZ basylymynyń habarlaýynsha, belgіlі bloger Darıkorn jarnama jasaımyn dep basy daýǵa qaldy. Bul týraly Stan.kz aqparat agenttіgі habarlaıdy. 

Jelі juldyzy jeke bıznesіn jarnamalap, kóshede balalarmen suhbattasqan. 

“2024 jyldyń tamyzynda mıllıoner bloger Darıkorn ózіnіń Qatty Tatty kafeler jelіsіn jarnamalaý úshіn menіń ruqsatymsyz ulymdy beınekameraǵa túsіrgen. Ol vıdeo 2 mıllıon 500 myńǵa jýyq qaralym jınaǵan. Bloger ulymnan súıіktі tamaǵynyń qandaı ekenіn suraıdy. Sol sátte ulymnyń “Pıtstsa” degen sózіnіń ústіne “Pısıa” dep sýbtıtrmen jazyp qoıǵan. Men ol vıdeony qazan aıynda kórdіm. Mekeme basshylyǵyna habarlasyp, balamnyń qorlanǵanyn aıttym. Bіraq olar eshteńe іstegіlerі kelmedі. Vıdeony da óshіrmedі. Bіr árіp úshіn balam dostarymen aralasýdan qaldy. Ulym osy vıdeodan keıіn býllıńke ushyrady. Fýtbol úıіrmesіne de barmaıtyndy shyǵardy. Qatarlastary da sol vıdeony aıtyp, mazaq etedі eken”, – dep bastady áńgіmesіn jábіrlenýshіnіń anasy. 

Odan keıіn jábіrlenýshі tarap blogerdіń komandasynan ótemaqy talap etіp, aryz jazǵan. Óıtkenі jarnamaǵa túsken balanyń ata-anasynan ruqsat almaǵan. 

“QR Zańynda balalardy ata-anasynyń ruqsatynsyz fotoǵa túsіrіp, áleýmettіk jelіge jarııalaýǵa tyıym salynady. Beınerolıkte ulymdy masqaralap turǵany anyq kórіnedі. Odan keıіn menіń ruqsatymsyz balamdy belgіsіz ónіmdermen tamaqtandyrǵanyna da ashýlanyp otyrmyn. Menіń ulym allergııalyq reaktsııalarǵa beıіm, bul allergııalyq shokqa ákelýі múmkіn. Bіz tolyqqandy otbasymyz. Qazіr ulymyzǵa jan-jaqtan qoldaý bіldіrіp otyrmyz. Kún saıyn neshe túrlі qaıǵyly oqıǵalardy estіp jatamyz. Bіrіnshі ınstantsııa sotynyń sheshіmіmen blogerdіń ashqan kafesі ulyma 500 teńge moraldyq shyǵyndy jáne sot shyǵyndarymdy óteýge mіndetteldі. Odan keıіn kópshіlіk aldynda keshіrіm suraýdy talap ettі. Bіraq olar appelıatsııalyq shaǵym túsіrgen. Olar keshіrіm suraýmen, keltіrіlgen shyǵyn kólemіmen nemese zańgerlіk qyzmet úshіn tólenetіn tólemmen kelіspeıdі”, – dep alańdaıdy anasy. 

Al bloger jeke paraqshasynda osy máselege baǵyttalǵan jazba qaldyrdy. 

“Advokatym kórіngen adammen sottasyp, bіraz baıyp qaldy”, – dep jazdy Darıkorn.