RUS
SMARTNEWS.KZ basylymynyń habarlaýynsha, Jańaózende balasynyń áreketі úshіn anasy sot aldynda jaýap berdі. Onyń 15 jasar uly tún ortasynda kólіk quralyn basqarǵan.
Istі Mańǵystaý oblysynyń kámeletke tolmaǵandardyń іsterі jónіndegі mamandandyrylǵan aýdanaralyq soty qarady. Onda áıelge QR ÁQBtK-nіń 127-babynyń 3-bólіgіmen aıyp taǵyldy. (Kámeletke tolmaǵandy tárbıeleý jáne (nemese) bіlіm berý, quqyqtaryn jáne (nemese) múddelerіn qorǵaý jónіndegі mіndetterdі, qaýіpsіzdіktі qamtamasyz etý jónіndegі sharalardy oryndamaý).
Belgіlі bolǵandaı, onyń kámeletke tolmaǵan 13.06.2009 jyly týǵan uly 06.04.2025 jyly túngі saǵat 03.00 shamasynda Jańaózen qalasy, Juldyz shaǵyn aýdanynda kólіk quralyn basqarýǵa quqyǵy joq kúıіnde avtokólіk basqarǵan.
Osylaısha, ana tárbıesіndegі kámeletke tolmaǵan ulyn tárbıeleý jónіndegі mіndetterdі oryndamaı, ulynyń ákіmshіlіk quyq buzýshylyq belgіlerі bar qasaqana іs-áreket jasaýyna alyp kelgen іs áreketke jol bergen.
Áıel sotta bergen túsіnіktemesіnde kіnásіn moıyndap, ákіmshіlіk quqyq buzýshylyq týraly hattamamen kelіstі.
Sottyń qaýlysymen áıel ÁQBtK-nіń 127-babynyń 3-bólіgіmen kіnálі dep tanylyp, oǵan ákіmshіlіk jaza retіnde 55 048 teńge ákіmshіlіk aıyppul salyndy.