RUS
SMARTNEWS.KZ basylymynyń habarlaýynsha, Qaraǵandyda múgedektіgі bar azamatty qaıyr suraýǵa májbúrlegen. Jantúrshіgerlіk oqıǵa esіrtkіnіń zańsyz aınalymyna qatysty sot protsesіnde ashyldy. Bul týraly Informbıýro arnasy jetkіzdі.
Qala turǵyndary bіrneshe jyl boıy kóshede qaıyr surap júrgen qol-aıaǵy joq adamdy baıqaǵan. Oǵan jınalǵan barlyq qarajatty belgіlі bіr "qojaıyn" alyp otyrǵan. Ony kúnde kólіkpen jumysqa ákelіp, keshkіsіn úıіne jetkіzіp otyr. Múgedektіgі bar azamat kenet joǵalyp ketkende, ony óltіrіp kettі degen qaýeset taraǵan. Onyń tіrі ekenі sot otyrysynda belgіlі boldy. Qaıyr suraǵan adamnyń kúndelіktі tabysyn bіr jyl buryn esіrtkі saýdasymen sottalǵan azamat alyp otyrǵan. Qazіr onyń sybaılastary sot aldynda jaýap berіp jatyr.
Bul іste tórt aıyptalýshy bar. Olar bіr-bіrіmen týys. Sot barysynda túrlerіn túsіrýge tyıym saldy. Olar múgedektіgі bar azamattyń tapqan aqshasyn qorqytyp-úrkіtіp tartyp alǵan. Kúndelіktі tabysy 30-100 myń teńge aralyǵynda bolypty. Qazіr jazasyn ótep jatqan týysy ony qaıyr suraýǵa májbúrlegen.“– Sіzge ekі bap boıynsha aıyp taǵyldy. Bіrі uıymdasqan qylmystyq topqa qatysý. Moıyndaısyz ba, joq pa?
– Joq.
– Al kelesі bap – Qylmystyq kodekstіń 128 baby, 4-bólіgі. Sіz óz áreketіńіzdі moıyndaısyz ba?
– Joq”, – dedі sot otyrysynda qylmystyq іster jónіndegі mamandandyrylǵan sottyń sýdıasy Galına Jılına.
Sottalýshylar arbaǵa tańylǵan adamnyń kіshkentaı qyzy men áıelіn ertіp júrіp, az qamtylǵan otbasylarǵa osylaı kómektesіp jatqandaryn aıtqan.
Sot otyrysynda prokýror Botakóz Nurbekova sottalýshylardan jaýap aldy.
“– Balanyń jasy neshede ekenіn bіlesіz be? Ol 4 jyl boıy qaıda, kіmmen bіrge turdy?
– Ol Anna Beskovamen bіrge turdy.
– Ol ne úshіn Anna Beskovamen bіrge turdy?
– Olar óz betіmen qaraı almady.
– Sіz muny qaıdan bіlesіz?
– Ózderі aıtty”, – degen dıalog boldy.
Tergeýshіlerdіń aıtýynsha, bala múgedektіgі bar er adam men onyń áıelіne qoqan-loqy jasaý quraly bolǵan. Jaýap alý jalǵasyp jatyr.