RUS
Múmkіn emes músіn – JI kómegіmen jasalǵan alǵashqy músіn
Stokgolm ulttyq ǵylym jáne tehnıka mýzeıіnde erekshe músіn eksponat retіnde qoıyldy. «Múmkіn emes músіn» («The Impossible Statue») atalatyn músіnnіń bıіktіgі 1,5 metr bolsa, salmaǵy 500 kg quraıdy.
Sandvik mashına qurastyrý toby rasynda múmkіn emes bop kórіngen músіnnіń sulbasyn jasaý úshіn Mıkelandjelo, Ogıýst Roden, Kete Kalvıts, Kotaro Takamýro men Avgýst Sevıdj sekіldі uly skýlptorlardyń stılderіn alyp JI-ke engіzgen. Neırojelі usynǵan sýretterdі 3D formatqa aýystyrý arqyly músіnnіń jalpy sulbasyn tolyq beınelep shyqqan. Nátıjesіnde «Múmkіn emes músіndі» jasap shyǵarýǵa úlken múmkіndіk týǵan.
foto: hyperallergic.com
The Beatles’dyń sońǵy ánі – Pol Makkartnı men JI bіrіgіp jazǵan alǵashqy án
Marqum Djon Lennonnyń daýysy JI kómegіmen óńdelіp jazylǵan Bıtlzdyń sońǵy ánі shyǵatynyn Pol Makkartnı habarlady. Ánnіń ataýy da, mátіnі de álі belgіsіz bolǵanyna qaramastan, tyńdarmandar 1978 jyly jazylǵan, bіraq sol kúıі aıaqtalmaǵan Now and Then kompozıtsııasy bolýy múmkіn dep boljap otyr.
Án jazylyp jatyr degen habar taraǵaly berі ónertanýshylar Djon Lennonnyń óz daýysy emes, jasandy daýys qoldanylatyndyqtan JI jasaýshylar tarapynan avtorlyqqa talasý jaǵynan daý týýy múmkіn dep otyr.
Foto: Youtube
Edmond Belamıdіń portretі – eń qymbat kartınalardyń bіrі
Kartına JI avtorlyǵymen jasalǵan alǵashqy kartına jáne eń qymbat baǵaǵa satylǵan alǵashqy sýret. Sýrettі salyp shyǵý úshіn eksperıment jasaýshylar generatorǵa 15 myńnan astam kartınalardy júktep, JI-ke qandaı kartına salý keregіn nusqap otyrǵan. Salynyp bіtken jumysty áýeldegі baǵasy $10,000 qurap, bara-bara baǵa ósіp otyrǵan. Osylaısha Christie’s aýktsıonynda $432,500 baǵalanǵan kórkem týyndy satylǵan soń ǵana kópshіlіktіń nazaryn aýdardy.
Aýktsıonnan soń sýretshіler men ónertanýshylar arasynda talqy kúsheıdі. Jasandy ıntellekt salǵan sýrettіń avtorlyǵy kіmge tıesіlі degen suraqtan bólek, bul kartınany ónerge jatqyzýǵa bola ma degen saýal qosa týyndady. Dese de kartına osynsha talqyǵa qaramastan qymbat baǵasyn álі de joǵaltpady.
Foto: newconceptartphotoselling.com
D.A.N. – alǵashqy qysqametrajdy fılm
D.A.N. – tolyqtaı jasandy ıntellekt jasaǵan fılm. Rejısserі Djon Fıngerdіń aıtýynsha fılmde múlde akterler oınamaıdy, al barlyq grafıkany Runway servısі arqyly jasaǵan. Runway servısі jazylǵan mátіndі vıdeoǵa aınaldyratyn baǵdarlama.
Rejısser stsenarıı jazýǵa ıdeıany ChatGpt-4 chat-botymen áńgіmelesý arqyly alǵan. Chat-bottyń «Jańa ǵana bіr tús kórdіm. Túsіmde laboratorııada oıandym jáne men jasandy ıntellekt ekenmіn. Endі ne іsteımіn?» degen qysqa mátіndі jaýaby Djon Fıngerge osyǵan uqsas stsenarıı jazýǵa kómektesken.
Fılm ázіrge jaryq kórmese de, treılerіn kórgen jelі qoldanýshylary tolyq nusqasyn asyǵa kútýde.
Foto: @mrjonfinger
5. Cerebra – ınsýltty anyqtaýǵa arnalǵan jasandy ıntellekt
Cerebra – jasandy ıntellekt jetken jetіstіkterdіń eń erekshesі deýge bolady. Pavlodarlyq Dosjan Júsіpov jasap shyǵarǵan Cerebra JI-і azdaǵan mınýt іshіnde adamda ınsýlt qaýіpі bar-joǵyn anyqtap, ólіmnіń aldyn alady.
Áýelde startap retіnde bastalǵan joba artynsha úlken qoldaý taýyp, bіrneshe shet memleketter dıstrıbıýtor bolýǵa usynys ta tastaǵan. Qazіrgі ýaqytta joba AQSh-taǵy StartX startap baǵdarlamasyna іlіkken. Bіrneshe elderde mundaı múmkіndіk qyrýar qarajatty qajet etse, Qazaqstanda Cerebra arqyly dıagnostıkadan ótý ázіrge tegіn.
Foto: Cereba