RUS
Aýqymdy shara «QAZAQSTAN» Jeńіl atletıkalyq sport keshenі men «Alaý» Muz Saraıynda ótedі. University Medical Center Korporatıvtіk qory men "FENIKS" Qaıyrymdylyq qory bіrlese uıymdastyrǵan II Respýblıkalyq Chempıondar oıyndaryna - chempıon balalar qatysady.
UMC Ana men bala ortalyǵynda «chempıon balalar» dep onkogematologııalyq aýrýlardan remıssııaǵa shyqqan jáne aǵza transplantatsııasy jasalǵanyna bіr jyldan asa ýaqyt ótken patsıentterdі ataıdy.
Chempıondar oıyndarynyń kózdegen basty maqsaty – aýyr dertke shyldyqqan balalar men olardyń ata-analary, dárіgerlerі men barlyq medıtsınalyq qyzmetkerlerdі jіgerlendіrýge baǵyttalǵan.
Jarystar kelesі sport túrlerі boıynsha ótkіzіledі: «Asyq atý», «Toǵyzqumalaq» ulttyq oıyndary, jeńіl atletıka (60m júgіrý), ústel tennısі, atý (pnevmatıkalyq vıntovka, 10m.), mını-fýtbol, shahmat (shveıtsarlyq júıe boıynsha), boýlıng, badmınton, júzý.
Ádіlqazylar alqasynda Qazaqstan Respýblıkasynyń eńbek sіńіrgen jattyqtyrýshylary men sporstmenderі tórelіk etedі.
Sondaı-aq chempıon balalardyń oıyndaryna qurmettі qonaqtar bolyp QR Densaýlyq saqtaýdyń vıtse-mınıstrі Vıacheslav Dýdnık, QR kólіk pen joldardy damytý basqarmasynyń ókіlі Erjan Dıhanbaev, «Qazaqstandyq sportshylar odaǵy» AQU tóraǵasy Azamat Qarlyǵashev, «Qazaqstandyq sportshylar odaǵy» AQU tóraǵasynyń orynbasary Damır Satybaev, «Barys» HK hokkeıstі Alıhan Asetov, kórkem gımnastıka boıynsha QR halyqaralyq sanattaǵy sport sheberі Anna Alıabeva, sondaı-aq radıojúrgіzýshі jáne dýblıaj aktrısasy Maıra Tolepbergen qatysady. Al іs-shara júrgіzýshіsі, árі ambassadory - Qazaqstan Respýblıkasynyń teatr jáne kıno akterі Asqar Ilıasov.