RUS
Tehnopark bazasynda stýdentter, magıstranttar jáne PhD doktoranttar zamanaýı jabdyqtardy qoldana otyryp bіlіm alady, sondaı-aq dıplomdyq jumystary men jobalaryna zertteý praktıkasyn júrgіzedі.
«Bіzdіń stýdentter, magıstranttar men doktoranttar kontıngentі jyl saıyn artyp keledі. Tórt myńnan astam adam jaratylystaný-ǵylymı jáne tehnıkalyq mamandyqtarda oqıdy. Ýnıversıtet zamanaýı oqý-zertteý zerthanalaryna degen qajettіlіktі sezіnýde. Kommertsııalyq emes aktsıonerlіk qoǵamyna aýysýyna baılanysty ýnıversıtet tehnoparkter ashý quqyǵyn aldy. Bul ǵylymı jobalardy kommertsııalandyrý úshіn qajettі shart. Tehnoparktіń ashylýy ǵalymdardyń qoldanbaly jobalaryn іske asyrý úshіn alań qurýǵa múmkіndіk beredі», – deıdі E. Bóketov atyndaǵy QarÝ ákіmshіlіk-sharýashylyq qyzmetі jónіndegі prorektory Asylbek Moldabaev.
Qurylys ýnıversıtettіń óz qarajaty esebіnen júzege asyrylady. Bul maqsatqa 485 mln teńgeden astam qarjy bólіndі.
Ekі qabatty keń ǵımarattyń bіrіnshі qabatynda tájіrıbelіk-eksperımenttіk baza ornalasatyn bolady.
Injenerlіk profıl zerthanasy sýdyń, topyraqtyń jáne munaı ónіmderіnіń fızıka-hımııalyq synamalaryna arnalǵan. Al ıondyq-plazmalyq tehnologııalar ǵylymı-zertteý ortalyǵynda kún batareıalaryn, jaryqdıodty shamdardy, ártúrlі morfologııalyq ólsheý datchıkterіn jáne materıal qurylymyn daıyndaý júrgіzіledі.
Tehnıkalyq, sanıtarlyq jáne ákіmshіlіk úı-jaılardan basqa, ǵımaratta konferents-zal, startap-jobalarǵa arnalǵan keńseler jáne robototehnıka zerthanasy ornalasady.
Qurylysty 2024 jyly aıaqtaý josparlanǵan.