RUS
Bul shara jastar arasynda baǵdarlamalaýdy qoldap jáne damytyp qana qoımaı, sonymen qatar daryndy baǵdarlamashylardyń áleýetіn ashýǵa múmkіndіk beredі.
Alem Cup – kez kelgen jastaǵy jáne tájіrıbesі ártúrlі adam qatysa alatyn kompıýterlіk baǵdarlamalaý boıynsha onlaın ashyq chempıonat. Týrnır qatysýshylary bottarǵa arnalǵan jasandy ıntellekt jasap, ol kompıýterlіk oıynda basqa oıynshylardyń bottarymen básekelestі.
Jarys 8 qyrkúıekte bastalyp, 13 qazanda Digital Bridge 2023 forýmy aıasynda máresіne jettі. Platformada 330 qatysýshy tіrkeldі, eń joǵary reıtıngі bar 3 oıynshy fınalǵa іrіkteldі. Chempıonattyń fınaly 1x1x1 formatynda óttі, onda qatysýshylar bіr-bіrіmen baq synasty. Barlyǵy 10 shaqty oıyn oınaldy.
1 oryndy Mahmut Jáńgіr men Mustafa Ustazdyń "mus11110 zhangir3" komandasy ıelendі. Jáńgіr 2021 jylǵy chempıonatta da bіrіnshі oryndy ıelengen. Jeńіsі úshіn "mus11110 zhangir3" komandasy 1 000 000 teńge kólemіndegі júldemen marapattaldy.
2 oryndy "TAFH" jáne "subudei" komandalary bólіstі, óıtkenі olar árqaısysy 9 upaı jınap, teń nátıje kórsettі. Ár komandaǵa júlde qorynyń jartysy - 550 000 teńge kólemіnde berіldі. Bul komandalarda jalǵyz oıynshydan: Tálіm Aýshahman men Bіrіmjan Meıram boldy. Aıta ketý kerek, Tálіm Aýshahman nebárі 16 jasta jáne barlyq fınalıstіń іshіnen tek ol alem school stýdentі emes, sondyqtan bul onyń jetіstіgіn odan da áserlі etedі.
Chempıonattyń alǵashqy іrіkteý kezeńіnen sáttі ótken barlyq qatysýshylarǵa Alem Cup 2023-ke qatysqany týraly sertıfıkattar tabys etіldі.