RUS
Úndіstannyń Qazaqstandaǵy elshіsі Doktor T.V. Nagendra Prasad astanalyq tіlshіlermen kezdesýіnde ekі el qarym-qatynasynyń mańyzdy nátıjelerі týraly aıtyp berdі, bul týraly Kazinform habarlap otyr.
Elshіnіń aıtýynsha, Úndіstan men Qazaqstan 2000 jyldan astam ýaqytqa sozylǵan ejelgі tarıhı qatynastarmen baılanysty. Ekі el taýarlarmen, ıdeıalarmen jáne mádenı turǵyda turaqty almasyp keledі.
«Úndіstan Qazaqstannyń táýelsіzdіgіn moıyndaǵan alǵashqy elderdіń bіrі boldy. Dıplomatııalyq qatynastar 1992 jyly 22 aqpanda qurylǵan. Sodan berі ótkіzіlgen joǵary deńgeıdegі saparlar qos memleket qarym-qatynasyna jańa serpіn berdі. Qazaqstan – Úndіstannyń Ortalyq Azııadaǵy eń іrі saýda jáne ınvestıtsııalyq serіktesі. Bіzdіń ekі jaqty taýar aınalymymyz úsh jyl qatarynan 2 mıllıard dollardan asady. Bіzde saýdany keńeıtýge úlken múmkіndіk bar. Perspektıvaly sektorlar – paıdaly qazbalar óndіrý, farmatsevtıka, jańartylatyn energııa kózderі, tehnologııalar, óndіrіs jáne basqalary, olarǵa erekshe nazar aýdarý qajet, óıtkenі Úndіstannyń keń resýrstary men tájіrıbesі bar», - deıdі elshі.
Sondaı-aq, qorǵanys salasyndaǵy yntymaqtastyq – Qazaqstan men Úndіstannyń mańyzdy negіzі. 2018 jyldan bastap Úndіstan men Qazaqstannyń áskerı qyzmetshіlerі Lıvandaǵy BUU týy astynda bіrlesіp qyzmet atqarady. Almatyda «Terrorızmge qarsy іlіmder» taqyrybynda ótken «KazInd-2023» bіrlesken áskerı jattyǵýlarynda Úndіstan qarýly kúshterі qazaqstandyq árіptesterіmen tájіrıbe almasqan.
«Úndіstan men Qazaqstannyń mádenı baılanysy ıoga, úndі fılmderі, bı jáne mýzyka arqyly nyǵaıyp keledі. Astanadaǵy Svamı Vıvekananda mádenı ortalyǵy ártúrlі mádenı іs-sharalar, sonyń іshіnde ıoga, bı jáne mýzyka sabaqtaryn ótkіzedі. BUU Halyqaralyq ıoga kúnіn jarııalaǵan sátten berі búkіl álemde osy ejelgі úndі qazynasyna qyzyǵýshylyq artty. Bıyl Halyqaralyq ıoga kúnі búkіl Qazaqstan boıynsha 21 qalada atalyp óttі. Ioga sabaqtary mádenı ortalyqta jáne elshіlіkte turaqty túrde ótkіzіledі», - dep tolyqtyrdy Doktor T.V. Nagendra Prasad.
Bіlіm berý salasynda qazaqstandyq jastar Úndіstannyń tehnıkalyq jáne ekonomıkalyq yntymaqtastyq baǵdarlamasy (ITEC) jáne Úndіstannyń mádenı baılanystar keńesіnіń stıpendııasyna úmіtker bola alady. ITEC baǵdarlamasy sheńberіnde Úndіstan Qazaqstanǵa aýyl sharýashylyǵy, bank іsі, quqyqtaný, jasandy ıntellekt, aqparattyq tehnologııalar, ınjenerııa, qala qurylysy, menedjment, ıoga, aǵylshyn tіlіn meńgerý jáne t. b. sııaqty túrlі mamandandyrylǵan salalarda áleýettі arttyrýǵa kómektesedі jáne 1992 jyldan berі Qazaqstannyń 1400-den astam azamaty ITES baǵdarlamasymen bіlіm alǵan.
Al Úndіstannyń mádenı baılanystar keńesі (ICCR) stıpendııalyq baǵdarlamasynda Qazaqstannan kelgen stýdentterge túrlі kórkemdіk pánder boıynsha tegіn oqý usynylady.
«Qazіrgі ýaqytta Qazaqstanda 9500-den astam úndі stýdentterі medıtsınany oqyp jatyr. Úndіstan Aqparattyq tehnologııalar salasyndaǵy sheberlіgіmen tanymal. Qazaqstandyq stýdentter "Úndіstandaǵy oqý" baǵdarlamasy boıynsha ınjenerlіk jáne aqparattyq tehnologııalardy oqytý úshіn de kele alady. 2015 jyly Úndіstan akademııalyq jáne ǵylymı-zertteý baǵdarlamalaryn yntalandyrý úshіn Qazaqstanǵa Param Bilim sýperkompıýterіn berdі», - deıdі dıplomat.
Týrızm boıynsha Úndіstan jyldyń kez kelgen ýaqytynda jáne tarıh, mádenıet, taýlar men teńіzder, saýyqtyrýdan bastap, medıtsınalyq saýyqtyrýǵa deıіngі barlyq qyzyǵýshylyqtarǵa sáıkes qyzmetter usynady.
«Goa jáne Táj-Mahal sııaqty oryndar qazaqtar arasynda óte tanymal. Úndіstan sapasy men qoljetіmdіgіne baılanysty medıtsınalyq jáne saýyqtyrý týrızmі úshіn óte tanymal baǵyt bolyp otyr. Nıý-Delı men Almaty arasynda aptasyna 11 reıs qatynaıdy. Bul ekі el arasyndaǵy týrızmnіń damýyna serpіn berdі. Bіzdіń elektrondy vızany úıden shyqpaı-aq alý ońaı jáne ol Qazaqstan azamattary úshіn uzartyldy», - dep túsіndіrdі Doktor T.V. Nagendra Prasad.
Sonymen bіrge, dıplomat jaqynda ótken Úndіstannyń eń tómengі baǵadaǵy aıǵa barý mıssııasy – «Chandraıan» týraly aıtyp berdі.
«Qazaqstan da ǵaryshqa ushýymen tanymal jáne Úndіstan tehnologııasy men tájіrıbesіn bólіsýge daıyn. Qazaqstandyqtar tsıfrlyq tólemderge beıіmdeldі jáne Úndіstan bul sektorda kóshbasshy – álemdіk tsıfrlyq tólemderdіń 60% astamy Úndіstanda, onyń Universal Payment Interface (UPI) – ámbebap tólem ınterfeısі platformasynda júrgіzіledі. Úndіstan bul tehnologııany barlyq dostas elderge usynady jáne Qazaqstan osy tehnologııanyń kómegіmen tsıfrlyq tranzaktsııalar deńgeıіn arttyra alady», - dedі Úndіstan elshіsі.