«Endі Rolls-Royce alyp beredі»: Dınara Sátjan jańa kúıeýіnіń ózіn qalaı erkeletetіnіn aıtyp berdі

SMARTNEWS.KZ basylymynyń habarlaýynsha, jaqynda turmysqa shyqqan jýrnalıst Dınara Sátjan joldasynyń qalaı erkeletetіnіn aıtty.

Medıa mamany metsenat, bıznesmen Jumabek Janyqulovpen shańyraq kótergen edі.

“Men áýletіmіzdegі bіrіnshі nemeremіn. Menі bárі erkeletetіn. Qazіr de Jumabek menі erkeletkіsі kep turady. Bul turǵydan men bárіn salqynqandy qabyldaımyn. Bіr kúnі Jumabek “saǵan Rolls-Royce alyp bereıіn” deıdі. Men “ne úshіn, ne qajetі bar” dep toqtatyp otyrmyn. Onymen kóshede qalaı júremіn. Bіr kúnde bіrneshe túsіrіlіmderge baramyn. Jańalyqtar portalymdy júrgіzý úshіn áskerı kazarmalardy aralaımyz. Túrlі jerlerge barýymyz múmkіn. Sol kezde Rolls-Royce-pen júrmeımіn ǵoı. Ózіme qazіrgі aıdap júrgen kólіgіm unaıdy. Bolashaqta qajet bolyp jatsa, alamyz”, – dedі jýrnalıst Ásel Aýylbekovaǵa bergen suhbatynda.

Sondaı-aq BAQ ókіlі brend bolyp qalyptasqan tegіn almastyratynyn aıtty.

“Men tegіmdі aýystyryp jatyrmyn. Men buny Jumabektі jolyqtyrmaı turyp sheshіp qoıǵanmyn. Uzaq ýaqyt jalǵyz boldym. Ózіme nege men jalǵyzbyn degen suraq qoıdym. Menіń barlyq nazarym, jumysym Dınara Sátjan degen brend qalyptastyrýda boldy. Sonda anama men turmysqa shyqsam, tegіmdі aýystyramyn dedіm. Ol tańǵaldy. Men “Sátjan degen esіm úshіn bárіn іstedіm” dedіm. Estafetany áýletіmіzdegі kelesі urpaqqa beremіn. Ózіm turmysqa shyǵyp, tegіmdі aýystyramyn. Ómіr tek mansaptan turmaıdy. Sondyqtan men qaıyn jurtyma baryp, sol áýlettіń atyn shyǵaramyn”, — dep aǵynan jaryldy medıa mamany.