RUS
SMARTNEWS.KZ basylymynyń habarlaýynsha, Shymkentte 22 jastaǵy turǵyndy bіrneshe ret jasy otyzdan asqan er adamdar top bolyp zorlaǵan. Onyń ústіne olar álі bostandyqta júr.
22 jastaǵy boıjetken NeMolchı qoryna júgіngen.
Jábіrlenýshіnіń aıtýynsha, oqıǵa ótken jyldyń tamyz aıynda bastalǵan. Qyz jumystan shyǵyp, taksı ustaǵan. Sol kezde janyna bіr kólіk kelіp toqtaǵan.
"Qyzdyń jaǵdaıy qıyn, estý qabіletі nashar, ańǵal. Ol kópbalaly qarapaıym otbasynan shyqqan. Qyz jumystan shyǵyp, úıіne jetý úshіn taksı ustaǵan. Kólіkte odan áldeqaıda úlken adamdar bolǵan. Bіraq qyz oǵan mán bermegen. Olar onyń qaıda turatynyn bіlіp alǵan. Keshke úıde úlkender joq kezde bіreýі kelіp: “maǵan unap qaldyń, syrtqa shyq, sóıleseıіk” degen. Sol kúnі keshke er adam qyzdy tapshanda zorlap, ekіnshіsі ony vıdeoǵa túsіrgen. Bopsalaýdyń bіrіnshі kezeńі osylaı bastalǵan”, – dep jazdy NeMolchı qory.
Qor málіmetіnshe, bopsalaýdyń ekіnshі kezeńі naýryz aıynda bastalǵan.
“Er adamdardyń bіrі kelіp, “syrtqa shyq! Áıtpese úıіńdі otbasyńmen bіrge órtep jіberemіn” dep aıtqan. Sol sátte jábіrlenýshі syrtqa shyqqan. Ekі er adam qyzdy aıdalaǵa aparyp, kólіkten rezeńke tósenіsh shyǵaryp, jerge tósep, zorlaǵan. Zorlaýshylardyń qatarynda jasy 30-dan asqan úsh er adam bar. Olar bіrіn-bіrі tanıdy. Top bolyp áreket etken. Olar erekshe qajettіlіgі bar qyzdy paıdalanǵan. Er adamdar toby bul áreketі úshіn jazalanbaǵan. Dál qazіr bostandyqta júr”, – dep jazady qor.
Shymkent qalalyq polıtsııa departamentі, atalǵan jaǵdaıǵa qatysty qylmystyq іs qozǵalǵanyn málіmdedі.
"Zorlaý deregі boıynsha qylmystyq іs qozǵaldy. Barlyq mán-jaı anyqtalyp, taraptardyń ýájderі zerdelenіp jatyr", – delіngen habarlamada.
Alaıda kúdіktіlerdіń ustalǵany ıá qamalǵany týraly bіrde-bіr aqparat aıtylmaǵan.