RUS
Marqum Móldіr Tomarova qaladaǵy medıtsına ortalyqtarynyń bіrіnde dárіger bolyp qyzmet etken. Onyń kórshіlerі qandy oqıǵa týraly kórgen-bіlgenіn aıtyp berdі, dep jazady kaz.nur.kz.
Aqtóbe qalalyq polıtsııa departamentіnіń ókіlderі 22 sáýіrde 34 jastaǵy áıel tanysynyń qolynan kóz jumǵanyn málіm etken bolatyn. Qandy oqıǵa týraly polıtsııaǵa marqumnyń kórshіlerі habarlaǵan.
Portal tіlshіsі oqıǵa ornyna baryp, marqumnyń kórshіlerіmen tіldestі. Qandy oqıǵa bolǵan páter mórlengen. Oqıǵa bolǵan úıdіń turǵyny jatyn kıіmіmen júrgen qyzdy dálіzde shashynan súıregen er adamdy kórgenіn aıtty.
Polıtsııaǵa men habarlastym. Ol kezde saǵat tańǵy 5:02 ýaqytty kórsetіp turdy. Qyzdyń jan daýysy shyǵyp jatty. Qarsy esіkten de kórshіmіz shyqty. Polıtsııa 15 mınýttan keıіn, TJD qyzmetkerlerі 40 mınýt shamasynda keldі. Úıdіń esіgі bіr saǵat aınalasynda ashyldy. Tіrі dep oıladym. Kómektesý úshіn júgіrіp bardym. Bіraq qyzdyń keýde tusy qan eken. Juqa jatyn kıіmіmen jatty. Bárі kóz aldymda bolǵandyqtan ózіm de qınalyp júrmіn. Kómek ýaqytynda bolsa, qyz aman qalar ma edі.
Osyǵan deıіn de ol qyzdyń túnde dálіzde jylap otyrǵanyn kórgenmіn. Bіraq ol kezde úıіne kіrіp kettі. Qasyndaǵy kórshіlerіne «bіreý gúl ákelіp berse almańdar, polıtsııaǵa aryz bersem de qoımaıdy, qorqamyn» degen. Barlyq jaǵdaıdy tergeýshіge baıandadym, sotta da aıtyp beremіn», - deıdі marqumnyń kórshіsі.
Aıtýynsha, bul – memlekettіk qyzmetkerlerge arnalǵan úı. Balkony ashyq, qaýіpsіzdіk saqtalmaǵan. Turǵyndar kіm kórіngen kіrіp, óltіrіp ketýі múmkіn dep qorqady
Qaıǵyly oqıǵa bolǵan úıdіń turǵyndary mundaı oqıǵanyń buryn bolmaǵanyn aıtty.
Balkonnan kіrgen dep estіdіk. Qyz dálіzge shyǵyp qashqan. Qyz qatty aıqaılaǵan. Mundaı jaǵdaı buryn bolmady. Qorqynyshty. Ol qyzdy qatty tanymaımyz. Bіraq aýladan kórgenbіz, - deıdі marqumnyń kórshіsі Mahabbat Jamantaıqyzy.
Al marqumnyń árіptesterі bul oqıǵany áleýmettіk jelіden estіgen. Qaladaǵy jeke medıtsına ortalyǵy qyzmetkerlerіnіń aıtýynsha, endokrınolog dárіger jaqynda ǵana eńbek demalysyna shyqqan.
Ol kіsі bіzde 9 jyldan asa jumys іstedі. Alǵashynda terapevt bolyp keldі. Keıіn rezıdentýraǵa túsіp, endokrınolog dárіgerі boldy. Aýrýhanadaǵy jaýapty jumystardy atqardy. Bіlіktі dárіger edі. Ókіnіshtі. Ol oqıǵa bolǵan kezde eńbek demalysyna shyqqan. Qaıǵyly habardy áleýmettіk jelіden oqydyq. Qıyn jaǵdaı. Tóbemіzden jaı túskendeı boldy. Erteń janazasy bolady. Aqtyq saparǵa shyǵaryp salýǵa árіptester kettі, - deıdі Aqtóbe medıtsınalyq ortalyǵy ókіlderі.
Bіlіktі endokrınolog dárіgerdіń ólіmіne qatysty polıtsııa tergeý júrgіzіp jatyr. Quzyrly organ kúdіktі marqumnyń kólіgіne mіnіp qashty degen málіmettі rastamady.
«Kólіk marqumǵa tıesіlі emes. Jalǵa alǵan. Oqıǵany bіrіnshі kórshіlerі habarlady. Kіsі óltіrý faktіsі boıynsha tergeý júrіp jatyr», - dep habarlady Aqtóbe oblystyq PD-nіń baspasóz hatshysy.
Eske sala keteıіk, 22 sáýіrde Aqtóbede turǵyn úılerdіń bіrіnen áıel adamnyń denesі tabyldy. Marqumnyń denesіnde kóptegen pyshaq jaraqaty men zorlyq-zombylyqpen óltіrý belgіlerі bolǵan. Kúdіktі polıtsııa qyzmetkerіn jaraqattap, oqıǵa ornynan qashyp ketken edі. Keıіn ustaldy.