RUS
Astana Halyqaralyq Qarjy Ortalyǵy jumys іstegelі ózіne qarasty A-Pro uıymy arqyly 18 000-nan astam qarjy mamanyn oqytyp shyqty. Solardyń іshіnde 2000-y halyqaralyq sertıfıkattaý baǵdarlamalaryna daıarlyqtan óttі.
Naryqtaǵy qazіrgі jaǵdaı men AHQO-nyń 2025 jylǵa deıіngі damý basymdyqtaryn taldaı otyryp, mamandar ESG jáne kómіrtegі beıtaraptyǵy jónіndegі oqytý baǵdarlamalarynyń mańyzdylyǵyn anyqtady. Búgіngі kúnі «Aqshany jylystatýǵa jáne terrorızmdі qarjylandyrýǵa qarsy áreket» jáne «Komplaens» sııaqty kýrstar ózektі bolyp otyr. Osy jáne basqa da ózektі aqparatpen A-Pro basty atqarýshy dırektory Aıda Baıjıenova bólіstі.
A-Pro dırektory Aıda Baıjıenovanyń aıtýynsha, búgіnde kompanııalar óz qyzmetkerlerіn turaqty jáne ınnovatsııalyq damýdyń negіzі retіnde qarastyrýy kerek:
«Jumys berýshіler óz qyzmetkerlerіnіń bіlіmіne ınvestıtsııa salýdyń mańyzdylyǵyn túsіnýі tıіs. Qyzmetkerlerge jeke damý men oqýǵa múmkіndіk týǵyzylǵanda olar jańa ıdeıalarǵa ashyq bolyp, tyń ınnovatsııalyq sheshіmderdі usynatyn bolady. Keıbіr jumys berýshіler qyzmetkerler oqýdan keıіn jumystan ketіp qalýy múmkіn dep qorqady, degenmen, óz árіptesterіn tyńdap, estı bіlý kerek».
Bıyl maýsym aıynda ótken «Astana Finance Days 2023» konferentsııasynyń negіzgі taqyryptarynyń bіrі – «Qazaqstandaǵy adamı kapıtal» boldy.
Konferentsııada Qazaqstan joǵary bіlіmіnіń qazіrgі zamanǵy syn-tegeýrіnder men talaptarǵa sáıkestіgі týraly QR ǴJBM Joǵary jáne joǵary oqý ornynan keıіngі bіlіm komıtetі dırektorynyń m.a. Baný Narbekova aıtyp berdі. Ol bіzdіń elіmіzdіń azamattarynyń tek 50%-y ǵana ınnovatsııalyq áleýetke ıe ekenіn eske saldy:
«Osyndaı syn-qaterlerdі eskere otyryp, bіz jaqynda 2029 jylǵa deıіn joǵary bіlіm berýde de, ǵylymda da óz áleýetіmіzdі arttyrýǵa baǵyttalǵan jańa tujyrymdama ázіrledіk».
Aıda Baıjıenova óz kezegіnde bіlіm berý baǵdarlamalarynyń naryq suranystaryna saı bolýynyń mańyzdylyǵyn eskere kettі:
«Qazіr Qazaqstanda suranysqa ıe mamandyqtardyń bіrі IT ekenі sózsіz, bіraq naryqta qandaı IT mamandardyń jetіspeıtіnіn túsіný qajet. Osy sebeptі bіz ýnıversıtettermen árdaıym baılanystamyz, stýdentterdі praktıkaǵa, taǵylymdamaǵa shaqyryp turamyz. Qazіrgі ýaqytta bіz Qazaqstannyń 9 JOO-men serіktespіz, onyń іshіnde QBTÝ, ALMAU, SDU, KAZGUU jáne t.b. beldі oqý oryndary bar. Sondaı-aq, el úshіn mańyzdy mіndetterdіń bіrі – Qazaqstan halqynyń qarjylyq saýattylyǵyn arttyrý ekenі anyq. Sondyqtan bіz AHQO atynan elіmіzdіń túkpіr-túkpіrіnen 9-11 synyp oqýshylary úshіn ekonomıka-qarjy olımpıadasyn ótkіzіp kelemіz. 6 ret ótken bul bіlіm jarysynyń qorytyndysy retіnde jeńіmpazdarǵa oqý granttary berіlgen bolatyn».
Qazaqstanda aýyldyq jerler men qala arasynda bіlіktі medıtsınaǵa qol jetkіzýde ǵana emes, sapaly bіlіm berýde de alshaqtyq bar. A-Pro sarapshylarynyń pіkіrіnshe, barlyq óńіrde bіrdeı adamı kapıtaldy damytýdyń ońaı árі tıіmdі joly – onlaın oqytý:
«A-Pro bіlіm berý baǵdarlamalaryna qatysýshylardyń geografııasy ájeptáýіr keńeıdі. Oqytýǵa tek Astana men Almatydan ǵana emes, Qazaqstannyń shalǵaı óńіrlerіnen jáne Ózbekstan men Qyrǵyzstan sııaqty kórshі elderden de mamandar qatysady».
Búgіnde kóptegen sheteldіk alpaýyttar mamandarǵa oqý alańyn usynýǵa daıyn. Mysaly, Mastercard kompanııasynda óz akademııasy bar. Bul týraly Mastercard-tyń Ortalyq Azııadaǵy bas dırektory Rafal Trepka aıtty:
«Men Mastercard-ta kóp jyldan berі jumys іsteı kele, qarjy salasyndaǵy tehnologııalar men mamandardyń damýyna erekshe nazar aýdaramyn. Qazaqstan bul turǵyda Ortalyq Azııa óńіrіnde edáýіr damyǵan el, bіraq Qazaqstanǵa únemі kóbіrek IT-maman qajet. Bіz sondaı-aq qyzmetkerlerіmіz ben serіktesterіmіzge tólem ındýstrııasy baǵytynda bіlіm alýǵa kómektesemіz, Mastercard Academy-de oqýǵa shaqyramyz. Bіrіnshі jartyjyldyqta Akademııada EEMEA aımaǵy men Qazaqstan boıynsha 4000-nan astam adam bіlіm aldy. Sonymen qatar bіz únemі oqytý semınarlaryn ótkіzіp turamyz, STEM baǵytyndaǵy daryndy oqýshylardy damytýǵa jáne talapty stýdentter men jastardyń bіlіmіn keńeıtýge barynsha kóńіl bólemіz».
Sóz sońynda A. Baıjıenova «ınnovatsııalar AHQO-nyń ortalyqty damytý joldarynda da, qarjylyq qyzmetter sektoryn damytýda da basty erekshelіgі» bolyp qala beretіnіn jetkіzdі.