RUS
SMARTNEWS.KZ basylymynyń habarlaýynsha, elordada 9 gýmanıtarlyq kómek qabyldaý pýnktі bar, jınaýǵa 30-ǵa jýyq erіktі uıym atsalysyp jatyr. Kún saıyn 200-den astam erіktі qajettі zattardy suryptap, jóneltedі. Nıet bіldіrýshіler jyly kıіm-keshek, azyq-túlіk, dárі-dármek, alǵashqy qajettіlіk zattaryn ákelіp jatyr.
«AMANAT» partııasynyń Astana qalalyq fılıaly «Jastar rýhy» jastar qanatymen, qala ákіmdіgіnіń qoldaýymen «Astana jastary» JRO erіktіlerіmen, qalalyq máslıhat depýtattary, qoǵam qaıratkerlerі, úkіmettіk emes uıymdar, shaǵyn, orta jáne іrі bıznes ókіlderі 250 tonnaǵa jýyq gýmanıtarlyq kómek jınady.
Qostanaı oblysynda Qazaqstan jastar kongresіnіń volonterlerі erіktіlerdіń jumysyn úılestіrіp, Astanadan gýmanıtarlyq kómektіń jetkіzіlýіn qamtamasyz etіp jatyr.
«Qostanaı oblysynda jumys іstep jatqanymyzǵa 5 kún boldy. Bіzdіń volonterlar gýmanıtarlyq kómektі túsіrіp, taratýǵa kómektesedі. Eń aldymen – azyq-túlіk, motorly qaıyqtar, generatorlar, rezeńke etіk, sol sııaqty sý tasqynynan zardap shekken aımaqtarǵa qajettіnіń bárі», – deıdі Qazaqstan jastar kongresіnіń jetekshіsі Baǵdáýlet Jandіldaev.
Sondaı-aq gýmanıtarlyq kómek jınaý jumysyna elordanyń joǵary oqý oryndary da qosyldy: Maqsut Nárіkbaev ýnıversıtetі, L.N. Gýmılev atyndaǵy EUÝ, Nazarbaev ýnıversıtetі, ESIL ýnıversıtetі. Kómek kórsetken ózge uıymdardyń qatarynda: The one qonaqúıі, «Ásem», «Rahmet», «Shapaǵat» saýda úılerі jáne basqa da bıznes qurylymdarynyń ókіlderі.
Sonymen qatar, elordalyq Qazaqstan halqy assambleıasy Dostyq úıіnde sý tasqynynan zardap shekken óńіrlerdіń turǵyndaryna gýmanıtarlyq kómek jınaý maqsatynda áleýmettіk shara uıymdastyrdy. Kómek Aqmola jáne Qaraǵandy oblystarynyń turǵyndaryna jetkіzіledі. Zardap shekkenderge kıіm-keshek, azyq-túlіk, jeke gıgıena quraldary, tósek-oryn, ydys-aıaq jáne dárі-dármek jınaldy. Qazіrgі tańda qalalyq Assambleıa múshelerі men erіktіler sý tasqynynan zardap shekkenderge jalpy somasy 5 mıllıon teńgeden astam kómek kórsettі.
Jınalǵan kómektіń іshіnde negіzgі oryndy kıіm-keshek, azyq-túlіk, gıgıenalyq quraldar men aıaq kıіm alady.
Erіktіler qarjylyq kómektі qabyldamaıdy. Qyzyǵýshylyq tanytqandar qajettі ónіmderdі jınap, qabyldaý pýnkterіne apara alady.