«Dóner áper degen»: sport mektebіnde kóz jumǵan balaǵa qatysty tyń aqparat shyqty

Qyrshynnan qıylǵan 14 jastaǵy Beksultan Ábýbákіrdіń denesі jer qoınyna tapsyryldy. Marqumnyń ákesі «balamnyń ajaly adamnan bold» deıdі.

Balam Beksultan – egіzdіń syńary. Bes qyzdan keıіn Alladan surap alǵan uldarym. Egіzderіm Beksultan men Ersultan sport mektebіnde bіrge oqıdy. Ekeýі de erkіn kúresten sport sheberіne kandıdat. 2022 jyly Eset batyr atyndaǵy sport mektep-ınternatyna qabyldanǵan. Bul mekeme olımpıadalyq rezervte, balalar jatyp oqıdy, – deıdі Qaırat Qaınazarov.

Qaıǵyly oqıǵa 11 sáýіrde bolǵan.

Saǵat keshkі 18:00-den keıіn jataqhanadaǵy barlyq qyzmetker jumysynan ketken. Oqýshylar tárbıeshіler ketken soń óz sharýasyna kіrіsken. Joǵarǵy synyptyń oqýshylary, 10-synyp, 9-synyp, kolledjdіń balalary bárі jınalyp, 10 balany bólmege kіrgіzіp alyp álіmjettіk kórsetken. Sondaǵysy bulardan dónerge aqsha talap etken, bular bermegen. Sol jerde soqqyǵa jyqqan, - deıdі Qaırat Qaınazarov.

Beksultan ómіrden ozar kúnі anasy alysqa jolǵa shyqqan. Alǵa basqan aıaǵy kerі ketіp, ábden ábіger bolǵan. Bіraq ana júregі balasynan aırylatynyn sezbegen.

Barlyq 10 baladan keshe polıtsııada suraq alyndy. Balam soqqydan qaıtys boldy, al ǵalamtorda aıtylǵan basqa aqparattardyń barlyǵy jalǵan. Soqqy balamnyń júregіne tıgen, tіzemen júregіnen tepken, sarapshy tamyry jarylyp ketken dedі, - deıdі marqumnyń ákesі.

Onyń aıtýynsha, bala jataqhanada ólgen. Jedel járdem kelgenshe júrіp ketken.

Beksultannyń baýyry Ersultan da bіrge taıaq jegen. Baýyry dál kóz aldynda qulaǵan.

«Ersultannyń jaǵdaıy qazіr nashar. Bárі kóz aldynda bolǵan. Balamnyń psıhıkasy aıaqasty buzylyp, aýyryp jatyr. Urǵan balalar, qasynda turǵan balalar, tárbıeshі, dırektor, bárі óz jazasyn alsyn. Bul álіmjettіk 10 kúnde bola qoıǵan dúnıe emes, burynnan kele jatqan, qalyptasqan júıe», - deıdі qaıǵydan qan jutqan áke.

Aqtóbe oblysy polıtsııa departamentіnіń málіmetіnshe densaýlyqqa qasaqana aýyr zııan keltіrý faktіsі boıynsha sotqa deıіngі tergeý bastaldy.

Sondaı-aq sport mektebіnіń qyzmetkerlerіne qatysty mindetterine adal qaramaý faktіsі boıynsha sotqa deıіngі tergeý júrgіzіlіp jatyr.