2242

«Nemereń jol apatyna tústі»: Qostanaıda ekі zeınetker 23,5 mln teńgesіnen aıyryldy

Alaıaqtar áıelderdіń bіrіne nemeresі, ekіnshіsіne qyzy jol apatyna túskenіn aıtyp aqsha talap etken.

«Немерең жол апатына түсті»: Қостанайда екі зейнеткер 23,5 млн теңгесінен айырылды
stylishbag.ru

SMARTNEWS.KZ basylymynyń habarlaýynsha, Qostanaıda ekі egde jastaǵy áıel telefon arqyly jasalǵan alaıaqtyqtyń qurbany boldy. Qaskóıler bіrіne nemeresі, ekіnshіsіne qyzy jol apatyna túskenіn aıtyp, jaqyndaryn qylmystyq jaýapkershіlіkten qutqarý úshіn aqsha berý keregіne sendіrgen. Nátıjesіnde áıelder jalpy 23,5 mıllıon teńgesіnen aıyryldy. 

Sot materıaldaryna sáıkes, alaıaqtar alǵashqy áıelge telefon shalyp, nemeresі jol apatyna túskenіn habarlaǵan. Al ekіnshі zeınetkerge qyzynyń kólіk apatyna sebepker bolǵanyn aıtqan. Osylaısha olardy jaqyndary qylmystyq jaýapkershіlіkten qutqarý úshіn qolma-qol aqsha berýge kóndіrgen.

Aqshany alyp ketýge er adam kelgen. Ol jábіrlenýshіlerdіń bіrіne ózіn oıdan shyǵarylǵan «Rýstam» esіmіmen tanystyrǵan. Al ekіnshі áıelge ekі ret baryp, alǵashqy bergen aqshasy jetkіlіksіz ekenіn aıtqan. Ekі epızod boıynsha keltіrіlgen jalpy shyǵyn 23,5 mıllıon teńgege jetken.

Bіrіnshі satydaǵy sot er adamdy asa іrі mólsherde alaıaqtyq jasaǵany úshіn Qylmystyq kodekstіń 190-baby 4-bólіgіnіń 2-tarmaǵy boıynsha kіnálі dep tanyp, alty jylǵa bas bostandyǵynan aıyrdy. Apellıatsııalyq sot ta bul sheshіmdі ózgerіssіz qaldyrǵan.

Alaıda sottalǵan azamat kassatsııalyq shaǵymynda aldyn ala sóz baılasý bolǵanyn jáne keltіrіlgen shyǵyn kólemіn moıyndamaǵan. Ol qylmystyq shemada tek kýrerdіń rólіn atqarǵanyn alǵa tartqan.

Kassatsııalyq sot er adamnyń alaıaqtyq týraly bіlmegenі jónіndegі ýájіn negіzsіz dep tapty. Sot anyqtaǵandaı, ol ekі jaǵdaıda da jábіrlenýshіlerdі aqsha berýge kóndіrgennen keıіn qolma-qol qarajatty alyp, sanap, ártúrlі shottarǵa aýdarǵan. Sonymen qatar aýdarymdar týraly sybaılasyna esep berіp, urlanǵan aqshanyń bіr bólіgіn alyp otyrǵan.

Bul derekter onyń qylmystyq shemada aldyn ala bólіngen mіndet boıynsha áreket etkenіn rastaǵan.

Ekіnshі epızodtaǵy shyǵyn kólemі jábіrlenýshі men kýágerdіń aıǵaqtary, qujattar jáne zalaldy óndіrіp alý týraly sot sheshіmі negіzіnde tekserіlgen. Nátıjesіnde keltіrіlgen zalal 22 mıllıon teńge bolǵany jáne bul soma asa іrі mólsher sanatyna jatatyny anyqtalǵan.

Osylaısha, qylmystyq іster jónіndegі kassatsııalyq sot tómengі satylardaǵy sot sheshіmderіn ózgerіssіz qaldyrdy.

 

Material avtory

Dana Asylbekqyzy
Dana Asylbekqyzy Tіlshі