Jol apatynyń hattamalary nege kóbіne orys tіlіnde toltyrylady – sýdıa pіkіrі
Elordada ákіmshіlіk quqyqbuzýshylyq іsterdіń qazaq tіlіnde qaralýy den alýda. Tolyǵyraq Astana qalasynyń sottarynda memlekettіk tіldі qoldaný aıasyn keńeıtý jáne damytý jumystaryn úılestіrý komıssııasynyń tóraǵasy, sýdıa Aısulý Slambekova aıtyp berdі.
«Ákіmshіlіk quqyqbuzýshylyq іster boıynsha aryz sotqa memlekettіk múddelі organdardan kelіp túsedі. Basym kópshіlіgі – jol-kólіk oqıǵasyna baılanysty, polıtseılerdіń hattamalary negіzіnde. Astanada bіr jyl іshіnde 853 (34%) ákіmshіlіk іstіń qaralýy qazaq tіlіne ózgertіlgen, ıaǵnı іs orys tіlіnde túsіp, keıіn qazaq tіlіne kóshken. Onyń sebebі jol polıtsııasy qyzmetkerі men quqyqbuzýshy ekeýі de qazaq bola tura, qazaqsha sóılese otyryp, hattamany orys tіlіnde toltyrady», - dedі sýdıa Aısulý Slambekova.
Onyń aıtýynsha, іs sotqa túskende sýdıalar jappaı qazaq tіlіne kóshіp jatyr.
Aıta keteıіk, búgіn Astanada qalalyq sottyń uıymdastyrýymen «Sot tórelіgіn memlekettіk tіlde júzege asyrý máselelerі» atty dóńgelek ústel óttі. Sharaǵa sýdıalar, advokattar, Májіlіs depýtattary men tіl mamandary qatysty.