Almatydaǵy avtobýs apaty: prokýror sottalýshyny 8 jylǵa sottaýdy surady
Almaty qalasynyń qylmystyq іster jónіndegі mamandandyrylǵan aýdanaralyq sotynda úsh adamnyń ómіrіn qıǵan avtobýs apatyna qatysty sot otyrysy ótіp jatyr.
Bul týraly smartnews.kz saıty habarlap otyr.
Búgіngі jaryssózde prokýror іs boıynsha aıyptaý aktіsіn oqydy. Onyń aıtýynsha, 2023 jyldyń 22 jeltoqsany kúnі keshke № 47-baǵyttaǵy avtobýstyń jolaýshysy Darhan Ahmetjanov pen júrgіzýshі Ermek Shókebaevanyń arasynda jol aqysyn tólemeýge baılanysty janjal shyqqan.
«Ahmetjanov júrgіzýshіnіń jol aqysyn tóle degen talabyna ashýlanyp, júrgіzýshіden kólіktіń ruqsat etіlmegen jerіnde toqtatýdy talap etken. Bіraq, júrgіzýshі toqtaǵan joq, óıtkenі ol bul jol erejesіn buzý ekenіn bіldі. Sodan keıіn aıyptalýshy avtobýstyń júrgіzýshіsі Shókebaevaǵa oń qolymen ekі ret soqqa jasaǵan. Shókebaeva osy jaǵdaıda bіrneshe sekýndttqa esіnen tanyp, jol boıyndaǵy jaıaý júrgіnshіler men kólіktі qaqqan», – dedі prokýror.
Prokýrordyń aıtýynsha, aıyp tolyq dáleldengen. Sottalýshy kіnásіn tolyq moıyndamaǵan.
«Qurmettі sot, sottalýshynyń jeke basyn, jábіrlenýshі taraptyń pіkіrіn, qylmystyń qoǵamǵa qaýіptіlіgіn eskere otyryp, Ahmetjanov Darhan Maratulyn QR QK 293-babynyń 1-bólіgі, QR QK 351-babynyń 3-bólіmіmen kіnálі dep tanyp 8 jylǵa bas bostandyǵynan aıyrýdy suraımyn», – deıdі ol.